2 Mizimbu 25:23 - Livulu lya Shukulu Kalunga

²³ Co Yehowashe wakwatele Amaziya wamutwalele ku Yelusalema. Wasiwile civumbe ca nganda ya Yelusalema kutunda ku Cikolo ca Efalime nakweta ku Cikolo ca ku Mbango, nunda ya mamita akupwa 200.

2 Mizimbu 25:23 Iomraidhean Croise

2 Vimyene 14:13

Yehowashe wakwatele Amaziya kumupwisa cinzinda, co waile ku Yelusalema, wakasiwile civumbe ca nganda kutunda ku Cikolo ca Efalime nakweta ku Cikolo ca ku Mbango, nunda ya mamita akupwa 200.

2 Mizimbu 21:17

Vezile nakulwisa Yunda, co vapukwile vufuko vwoshe vuvawanene mu lipela, co vatwalele vunzinda mashano va mwene voshe na vana vendi voshe kuvanga Ahaziya, munendi wa mutinikila ikeye lika wasaleleo.

2 Mizimbu 22:1

Co vanu va mu Yelusalema vashwanesele Ahaziya munendi wa mutinikila kupwa mwene, omwo mbunga imo ya vanu vezile na vaAlambe ku cilombo vatsiile vana vendi voshe va vakulunu. Ngecivene, vashwanesele Ahaziya kupwa mwene.

2 Mizimbu 22:6

Co welukile ku nganda ya Njezelele ngeci akakanguke ku vimbandu vyendi vije vyavetwele, Ahaziya waileko nakukamumona.

2 Mizimbu 25:22

mashwalale va vaYunda vavafungulwile, co vatewelele ku membo avo.

2 Mizimbu 26:9

Uziya watungile vimpaka vyakukola mu Yelusalema, co watungile tuposhi ku Mbango ya Cikolo na ku Cikolo ca ku Cana, kuje kucatengulukilile civumbe.

2 Mizimbu 32:5

Mwene wapangele manene, co wavwaesele mitambela yoshe ya civumbe, ije yatavukile myanzi, co vatungilileo tuposhi, watungile lalo civumbe ca anja. Co lalo watungulwile civumbe cije vatungilile mu ngangela ku mutambela walaja wa mu Yelusalema. Co lalo wafulile makunga amangi na vintelo.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

2 Mizimbu 36:10

Omo simbu ya nyangao yetele, Mwene Nevukaneza watwalele Yehoyakine ku Mbambilone nakumupwisa cinzinda, co wambatele vufuko vwa mu Njuvo ya Shukulu Kalunga. Asinoni Nevukaneza wapwisile Zendekiya inanu ya Yehoyakine mwene wa mu Yunda na mu Yelusalema.

2 Mizimbu 36:6

Co Mwene Nevukaneza wa Mbambilone walwisile Yunda, wafungulwile Yehoyakime, vamukutile malyenge, vamutwalele ku Mbambilone.

Nehemiya 12:39

co kutunda kuje twatuvakanene ku Cikolo ca Efalime, na ku Cikolo ca Njeshana, na ku Cikolo ca Visi, na ku Kaposhi ka Hananele, na ku Kaposhi ka Ciita, na ku Cikolo ca Vimanga. Co twasikisilile kuyehi na cikolo ca ku Njuvo ya Shukulu Kalunga.

Nehemiya 8:16

Ngecivene, vanu vakashakele minango nakutunga mapapela akamwa ya vinjuvo vyavo, na mu mitambela yavo, na mu cipango ca Njuvo ya Shukulu Kalunga, na mushandangala yangoco kuyehi na Cikolo ca Mema, na ku Cikolo ca Efalime.

Visimo 16:18

Kulyalesa manene kutwala munu kukunyonga.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Njelemiya 31:38

Shukulu Kalunga alinakwendeka ngwendi, “Simbu ilinakwija, omo Yelusalema yoshe vakaitungulula kupwa nganda yange, kutunda ku Kaposhi ka Hananele mu kangombe ka yambi, kutwala ku Cikolo ca mu Mbango.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ovandiya 1:3

Mbunge yove ya kulyalesa inakukwisa, yove wakala mu cimpaka ca mamanya, nakutungila limbo lyove akamwa ya minkinda, co ulyendekesa mu mbunge yove ngwove, ‘Iyajo asa kunjiwisila asi?’

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”