2 Mizimbu 25:15 - Livulu lya Shukulu Kalunga

¹⁵ Eci caluvalesele Shukulu Kalunga, ngecivene, watumine muka-kwimanena kuli Amaziya. Co uje muka-kwimanena wamwihwile ngwendi, “Omwo vika ulemesela vinjambi veka vaje kuvasa nameme kwamena myonyo ya vanu vavo ku mavoko eni?”

2 Mizimbu 25:15 Iomraidhean Croise

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

2 Mizimbu 20:37

Oloni Elyazale muna Ndondavahu, wa ku limbo lya Malesha, wanangwile Njosefati ngwendi, “Omwo unalingi vusamba na Ahaziya, Shukulu Kalunga akanyongesa evi viwunapanga.” Co aje mato atavukile kuvasele kuwapangesa lalo.

2 Mizimbu 24:18

Ngecivene, vanu valikelele kulemesela mu Njuvo ya Shukulu Kalunga, Njambi ya vakukulwila vavo, vashangumukile kulemesa tumponya, na vifwa vya Ashela njambi wa munakazi. Co vukalu vwa Shukulu Kalunga vwezile a Yunda na a Yelusalema omwo a vuvi ovu.

2 Mizimbu 24:20

Co Munzinzime wa Njambi wakovelele muli Zekaliya muna Yehoyanda muka-kukombelela. Wemanene akamwa ku mesho a vanu voshe nakuvaleka ngwendi, “Shukulu Kalunga Njambi nehula ngwendi omwo vika kumwononokela mashiko endi, co munalikokela n̄avava yeni vavenya? Yeni munamuseza, ngeci nendi lalo namiseza!”

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

2 Mizimbu 25:7

Oloni muka-kwimanena waile kuli mwene wamulekele ngwendi, “Kesi uye na ava mashwalale va Isalele. Shukulu Kalunga kesi amolika na vanu ava va ku Vumwene vwa ku Kunto.

2 Mizimbu 28:9

Munalume umo lizina lyendi Ondende muka-kwimanena wa Shukulu Kalunga, wakele mu nganda ya Samaliya. Waliwanene na mashwalale va vaIsalele valinakwiluka na vinzinda vavo va vaYunda. Omo vakele nakukovela mu nganda, co wendekele kuli vakevo ngwendi, “Shukulu Kalunga Njambi ya vakukulwila veni naluvala na Yunda ngeci navakundika ku mavoko eni, oloni nazivi kukaluka kweni mumunavatsiilamo.

Myaso 96:5

Omwo vinjambi voshe va vanu vapwa tumponya lika, oloni Shukulu Kalunga ikeye watangele melu.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Njelemiya 10:5

Tumponya twa cifwa cangacije twafwa ngwe tumponya twa makwisiso twa mu lihya lya matanda, kutwasa kwendeka nambe kwenda kuvanga kutwambata. Kesi mutuzivile lyova embwe, kutwasa kumivulumuna, co lalo kutwesi na seo kuli yeni.”

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Njelemiya 2:5

Shukulu Kalunga alinakwendeka ngwendi, “Mulonga ukajo uvanjiwanene nawo vakukulwila veni ngeci vatunde kuli yange? Valemesele tumponya twakujeneka seo, co na vakevo lalo vapwile vanu vangoco.

Njelemiya 48:13

Co vaMowavi vakaziva shwamwa, na njambi yavo Kemoshe, ngwe muvazivile shwamwa vaIsalele, na Mbetele, njambi uje ivakulaelele.

1 Kolinte 10:20

Embwe! Njilinakwendeka ngwange cije vanakombelela a mutula wa tumponya cinapu cakukombelela ku minzinzime yakujwala, kesi kuli Njambi. Co kunjishaka mulitombole nakupangela amo na tumponya.

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

Maako 18:24

Mika wavakumbulwile ngwendi, “Ngweni, ‘Mulonga ukajo?’ Munambata muka-kukombelela wange, na vinjambi vaje njapangele munaija navo! Co yange vika njinasala navyo?”

Maako 2:2

Co kesi mukalikumiiye cikumiiyo na vanu vaje valinakuyoyela mu lifuti lino. Mukasiwula mitula yavo.’ Oloni yeni kumwalingile vije vinjamilekele. Munalingi mweka.