2 Mizimbu 24:27 - Livulu lya Shukulu Kalunga

²⁷ Mu Livulu Lyakunungulula Vin̄anda vya Vimyene, mukemwo mutuwana vin̄anda vya vana va Yowashe, vuka-kwimanena vuvambulwile ali ikeye vwakumulwisa, na muje mwatungulwile Njuvo ya Shukulu Kalunga. Co munendi Amaziya wamushwanene kupwa mwene.

2 Mizimbu 24:27 Iomraidhean Croise

2 Vimyene 12:18

Mwene Yowashe wa mu Yunda wambatele vyuma vyoshe vije Njosefati na Njeholame na Ahaziya vanu vaje vaingile, vavikundikile kuli Shukulu Kalunga, kuwezelelako na vyuma vyendi vavenya, na ngolinde yoshe ije yakele mu mbango ya Njuvo ya Shukulu Kalunga na mu lipela, co wavitumine vyoshe kupwa vwana kuli Mwene Hazayele, co ikeye watundisile mashwalale vendi mu Yelusalema.

2 Vimyene 12:21

Njozakale muna Shimete na Yehozavande muna Shomele, vakevo vamyata vendi vamutsiile. Vamutsindile mu vimbumbo vya vumwene mu Nganda ya Ndaviti, co munendi Amaziya wamushwanene kupwa mwene.

1 Mizimbu 3:12

Yowashe wakitile Amaziya, Amaziya wakitile Uziya, Uziya wakitile Yotame,

2 Mizimbu 13:22

Muzimbu woshe wa Aviya, na vije vyendekele na vije vyalingile, vavisoneka mu Livulu lya Mizimbu lya Indo Muka-kwimanena.

2 Mizimbu 16:11

Vilinga vyoshe vyakushwana kwa Asa kutunda kukushangumuka kweta nakukukotoka vavisoneka mu Livulu lya Mizimbu ya Vimyene va mu Yunda na mu Isalele.

2 Mizimbu 20:34

Vyuma vyoshe vije vyalingile Njosefati, kutunda kukushangumukila kutwala ku shongo yakushwana kwendi, vavisoneka mu Livulu lya Mizimbu lya Yehu muna Hanani, lije lyapwa litambelo lya Livulu lya Mizimbu ya Vimyene va mu Isalele.

2 Mizimbu 24:12

Mwene na Yehoyanda vaanene vije vimbongo kuli vaje vakele nakuvwaesa ku Njuvo ya Shukulu Kalunga, co vakumwine vaka-kutavula mamanya, na vaka-kupandeka vinjuvo, na vaka-vipangi vyakufula vutale ngeci vavwaese Njuvo ya Shukulu Kalunga.

2 Mizimbu 24:26

(Vaje vamukele munga yakumulwisa vapwile, Zavande, muna munakazi wa kaAmoni lizina lyendi Shimeya, na Yehozavande, muna munakazi wa kaMowavi lizina lyendi Shimeli.)

2 Mizimbu 25:1

Amaziya wapwile mwene omo wakele na myaka makumi avali na myaka itanu, washwanene mu Yelusalema myaka makumi avali na myaka itanu na iwana, vaina vapwile Njehoyandine wa ku Yelusalema.

2 Mizimbu 9:29

Vilinga vya Solomoni kutunda kukushangumuka kweta nakukukotoka vavisoneka mu Livulu lya Mizimbu lya Natane Muka-kwimanena, na mu livulu lya Vuka-kwimanena vwa Ahiya wa ku Shilo, na mu livulu lya Vimona vya Indo Muka-kwimanena, vije vinendeka lalo akushwana kwa Mwene Yelovowame wa mu Isalele.