2 Mizimbu 24:24 - Livulu lya Shukulu Kalunga

²⁴ Mashwalale va Silya vapwile vavandondo manene, oloni Shukulu Kalunga watavele ngeci vafungulule mashwalale vavangi va vaYunda omwo vanu vavyanene Shukulu Kalunga Njambi ya vakukulwila vavo. Mu ngila eyi mukemwo muvahisilile Mwene Yowashe.

2 Mizimbu 24:24 Iomraidhean Croise

2 Vimyene 12:17

A simbu ije Mwene Hazayele wa ku Silya walwisile nganda ya Ngate nakuyifungulula, asinoni wayongwele kukalwisa Yelusalema.

2 Mizimbu 16:7

A simbu ije vene Hanani muka-kwimanena waile kuli Mwene Asa wamulekele ngwendi, “Omwo wakulaelele kuli mwene wa Silya, kutuvakana kukulaela kuli Shukulu Kalunga Njambi yove, mukemwo nzita ya mwene wa ku Silya vanatewa.

2 Mizimbu 22:8

Co capwile ngeci omo cihiso ca Njambi cezile a naanga ya Ahave, Yehu waliwanene na mbunga ya vantwama va vaYunda na ije ya vehwa va Ahaziya vaje valipandakanene na Ahaziya a vungenzi ovu. Ngecivene, Yehu wavatsiile voshe.

2 Mizimbu 24:20

Co Munzinzime wa Njambi wakovelele muli Zekaliya muna Yehoyanda muka-kukombelela. Wemanene akamwa ku mesho a vanu voshe nakuvaleka ngwendi, “Shukulu Kalunga Njambi nehula ngwendi omwo vika kumwononokela mashiko endi, co munalikokela n̄avava yeni vavenya? Yeni munamuseza, ngeci nendi lalo namiseza!”

2 Mizimbu 28:5

Omwo Mwene Ahaze walingile vuvi, co Shukulu Kalunga Njambi yendi wamukundikile ku mavoko a mwene wa ku Silya ngeci amufungulule nakwambata vaYunda vavangi nakuvatwala ku Ndamasiku kupwa vinzinda. Co lalo Shukulu Kalunga wamukundikile mu mavoko a mwene wa vaIsalele.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Isaya 30:17

Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

VaLevi 26:37

Vakalitanozoka umo na mukwavo ngwe kuli munu umo alinakuvasheka, co kuvakakala na nzili yakulwa na vitozi vavo.

VaLevi 26:8

Vanu vatanu akati keni vakafungulula ciita, co vanu ciita vakafungulula makulukazi likumi. Vitozi veni vakafunguluka mu nzita.

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Zefaniya 1:2

Shukulu Kalunga wendekele ngwendi, “Njikanyongesa vyuma vyoshe vya ano asi,

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:48

Ngecivene, mukapangela vitozi vaje vakamitumina Shukulu Kalunga. Mukakala na njala, na lihwila, na vuzu, mukajeneka vyuma vyoshe. Co Shukulu Kalunga akamiyandesa manene noo naminyongesa njwa.

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.