2 Mizimbu 24:21 - Livulu lya Shukulu Kalunga

²¹ Co Mwene Yowashe walipandakanene mu vutumbe vwakulwisa Zekaliya, a lishiko lya mwene vanu vashele mamanya Zekaliya mu cipango ca Njuvo ya Shukulu Kalunga.

2 Mizimbu 24:21 Iomraidhean Croise

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Myaso 94:21

vaje vatumba matumbe akulwisa vaka-vushunga, nakuhisa munu wakujeneka mulonga ngeci atse.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 20:2

wanjipupile nakunjikutila malyenge kuyehi na Cikolo ca Mbenjemani cije cakele akamwa ya Njuvo ya Shukulu Kalunga.

Njelemiya 26:2

Shukulu Kalunga wendekele kuli yange ngwendi, “Imana mu mbanja ya Njuvo yange, wambulule vyoshe vije njakushikile kuvyendeka kuli vanu vaje vatunda mu vinganda vya mu Yunda kwija kuno mukulemesa. Kesi ukasezeo cuma cimo embwe.

Njelemiya 26:21

Omo Mwene Yehoyakime na mashwalale vendi na vamyata vendi vazivile vije vyendekele Uliya, mwene washakele ngeci vamutsiye. Oloni omo Uliya wazivile vyuma evi wazivile lyova, co watewelele ku Ingito.

Amose 5:10

Yeni vanu mwazinda munu woshe uje alwisa makuli nakwendeka vushunga mu mbanja.

Mateo 21:35

Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya.

Luka 11:51

tunde akutsiya Avele nakweta akutsiya Zakaliya uje vatsiilile mukati ka mutula na Mwela Wakujela. Eyo, njimileka ngwange, vanu va simbu ino vakavanyanyamesa voshe!

VaHevelu 11:37

Vavashele mamanya, vavatetangele na visaa, vavatapele na mikwale. Vendanganene vanazala vilambu vya vimanga nambe vya vimembe, vapwile tuutu vavayandesele nakuvapangesa mwamuvi.