2 Mizimbu 24:20 - Livulu lya Shukulu Kalunga

²⁰ Co Munzinzime wa Njambi wakovelele muli Zekaliya muna Yehoyanda muka-kukombelela. Wemanene akamwa ku mesho a vanu voshe nakuvaleka ngwendi, “Shukulu Kalunga Njambi nehula ngwendi omwo vika kumwononokela mashiko endi, co munalikokela n̄avava yeni vavenya? Yeni munamuseza, ngeci nendi lalo namiseza!”

2 Mizimbu 24:20 Iomraidhean Croise

1 Mizimbu 12:18

Co Munzinzime wa Njambi wezile ali Amasai, muka-kushika vaje “Makumi Atatu.” Co watambekele ngwendi, “Ndaviti muna Njesi, yetu tunapu tu vanu vove! Tunemana amo nove! Kwoloka, kukale amo nove! Kwoloka kukale kuli vaka-kukukwasa, omo Njambi akakukwasa.” Co Ndaviti wavatambwile, nakuvapwisa vakulunu va nzita yendi.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 12:5

Co Shemaya muka-kwimanena waile kuli Mwene Lehovowame na kuli vantwama va vaYunda vaje vakungulukilile mu Yelusalema kutewa nzita ya Shishake, wendekele kuli vakevo ngwendi, “Shukulu Kalunga nendeka ngwendi, ‘Munanjikengesa nima, mukemwo njinamikundika mu mavoko a Shishake.’ ”

2 Mizimbu 20:14

Co Munzinzime wa Shukulu Kalunga wakovelele muli umo kaLevi wakele mu mbunga ya vanu. Lizina lyendi Njazele muna Zekaliya, Zekaliya muna Mbenaya, Mbenaya muna Njeyele, Njeyele muna Mataniya wa ku cikota ca Asafe.

2 Mizimbu 23:11

Yehoyanda watwalele Yowashe anja, co wamuzikile cilongo ku mutwe, wamwanene livulu lya mashiko a vumwene. Co vamupwisile mwene. Ngecivene, Yehoyanda muka-kukombelela amo na vana vendi vavwavesele mazi Yowashe, co vanu voshe vatambekele ngwavo, “Mwene ayoye myaka yoshe!”

2 Mizimbu 24:24

Mashwalale va Silya vapwile vavandondo manene, oloni Shukulu Kalunga watavele ngeci vafungulule mashwalale vavangi va vaYunda omwo vanu vavyanene Shukulu Kalunga Njambi ya vakukulwila vavo. Mu ngila eyi mukemwo muvahisilile Mwene Yowashe.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

2 Mizimbu 29:8

Omwo a cuma eci mukemwo Shukulu Kalunga naluvala na Yunda na Yelusalema, co cije calingile kuli vakevo cakasamesele nakuzivisa lyova munu woshe. Yeni mwazivuka mwamuvwa eci.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 26:2

Shukulu Kalunga wendekele kuli yange ngwendi, “Imana mu mbanja ya Njuvo yange, wambulule vyoshe vije njakushikile kuvyendeka kuli vanu vaje vatunda mu vinganda vya mu Yunda kwija kuno mukulemesa. Kesi ukasezeo cuma cimo embwe.

Njelemiya 4:18

Yunda, yove vavenya walikokela evi a ngila yakuyoya kwove, na a vyuma vije viwunalingi. Vuvi vwove vukevwo vunanena tuyando otu, ngeci vunakuzivisa ku mbunge kuvavala.

Njelemiya 5:19

Omo vakehula ngwavo omwo vikajo njinalingila vyuma vyoshe evi, Njelemiya, valeke ngwove, omwo vananjikengesa nima nakupangela vinjambi veka vaje vali mu lifuti lyavo, ngecivene, vakapangela vanu veka mu lifuti lije kesi lyavo.”

Njelemiya 5:25

Oloni vuvi vweni vunamivindikisa ngeci kesi njimivezikise.

Amose 5:10

Yeni vanu mwazinda munu woshe uje alwisa makuli nakwendeka vushunga mu mbanja.

Kulava 14:41

Oloni Mosesa wendekele ngwendi, “Omwo vikajo kumwesi nakwononoka kushika kwa Shukulu Kalunga? Kumukahyana embwe!

Mateo 23:35

Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula.

Luka 11:51

tunde akutsiya Avele nakweta akutsiya Zakaliya uje vatsiilile mukati ka mutula na Mwela Wakujela. Eyo, njimileka ngwange, vanu va simbu ino vakavanyanyamesa voshe!

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.

Maako 6:34

Co Munzinzime wa Shukulu Kalunga wezile ali Ngilyone, co Ngilyone wembile lupembo mukusana vanalume va ku cikota ca Aviyezele ngeci vamukave.