2 Mizimbu 24:19 - Livulu lya Shukulu Kalunga

¹⁹ Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

2 Mizimbu 24:19 Iomraidhean Croise

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Isaya 28:23

Tolilileni vije njili na kwendeka, co akeni vimbunge ku vije vinjimileka.

Isaya 42:23

Iyajo umo wa ali yeni akatolilila vyuma evi? Kutunda ololo nakutwalao? Kuma mukatolilila nakunyanyama?

Isaya 51:4

“Vanu vange tolilileni kuli yange, tolilileni ku vije njendeka. Njana vilongesa vyange ku miyati ya vanu, mashiko ange akavatwila ceke.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Njelemiya 25:3

“A myaka makumi avali na itatu, kutunda ku mwaka wamulikumi na itatu uje Yosiya muna Amoni wapwile mwene wa mu Yunda kweta ku litangwa lya lelo, Shukulu Kalunga nendeka kuli yange, co kunjajukile kumileka vije vyendekele. Oloni kumwombileko mbunge embwe.

Njelemiya 25:7

Oloni vavenya Shukulu Kalunga nendeka ngwendi mwavyanene kumutolilila. Oloni mwamuluvalesele na tumponya tweni, nakulikokela cihiso yeni vavenya.

Njelemiya 25:8

“Ngecivene, omwo kumwasele kumutolilila, Shukulu Kalunga Muka-nzili yoshe alinakwendeka ngwendi,

Njelemiya 26:5

nakwaka mbunge ku majwi a vangamba vange, vaka-kwimanena, vaje njakele nakutuma kuli yeni ku simbu ku simbu. Co yeni kumwononokele ku vije vamilekele.

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Mateo 13:9

Co Yesu wamanesele kwendeka ngwendi, “Uje woshe ali na matwi, azive!”

Luka 16:31

Oloni Avilahama wendekele ngwendi, ‘Nga kuvatolilila kuli Mosesa na kuli vaka-kwimanena, kuvasa kutolilila nambe nga umo asanguka ku vatsi.’ ”