2 Mizimbu 24:18 - Livulu lya Shukulu Kalunga

¹⁸ Ngecivene, vanu valikelele kulemesela mu Njuvo ya Shukulu Kalunga, Njambi ya vakukulwila vavo, vashangumukile kulemesa tumponya, na vifwa vya Ashela njambi wa munakazi. Co vukalu vwa Shukulu Kalunga vwezile a Yunda na a Yelusalema omwo a vuvi ovu.

2 Mizimbu 24:18 Iomraidhean Croise

2 Samwele 24:1

Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

1 Vimyene 14:23

Co vatungile myela yakulemesela vinjambi vangoco, vemikile vimanda vya mamanya na vimweso vya Ashela mukuvilemesa akamwa ya malundu, na mwisi ya minzinze ya miti.

1 Vimyene 14:9

Unalingi vuvi vwakama manene kutuvakana vaje valivangele kushwana. Yove unanjivyana, co unashangumuna vukalu vwange akulinga tumponya na vifwa vya vutale nakuvilemesa.

2 Mizimbu 12:1

Omo vumwene vwa Lehovowame vwakolele, nendi lalo omo wakele na nzili, co ikeye na vanu va Isalele voshe vasezele Lishiko lya Shukulu Kalunga.

2 Mizimbu 12:2

Mu mwaka wamucitanu wakushwana kwa Lehovowame, Mwene Shishake wa Ingito walwisile Yelusalema omwo vanu vajenekele kwononoka Shukulu Kalunga.

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

2 Mizimbu 21:13

Oloni unatembunwina vingila vya vimyene va Isalele, co unatwamenena vanu va mu Yunda na vanu va mu Yelusalema nakuvapwisa vaka-kujeneka kukulaela, ngwe mwalingile Ahave na naanga yendi vaje vatwamenenene Isalele kupwa vaka-kujeneka kukulaela. Co lalo unatsii vishongo vove, vakevo vapwile vanu vavavwa kutuvakana yove.

2 Mizimbu 22:4

Walingile vuvi ku mesho a Shukulu Kalunga, omwo ishe watsile, vanu va ku naanga ya Mwene Ahave vakevo vapwile vaka-kumunangula, co vamunyongesele.

2 Mizimbu 24:17

Oloni omo Yehoyanda natsi laja, co vantwama va mu Yunda vasindiiye Mwene Yowashe ngeci atolilile kuli vakevo.

2 Mizimbu 24:4

Omo Yowashe wakele a vumwene kasimbu, wayongwele kutungulula Njuvo ya Shukulu Kalunga.

2 Mizimbu 25:15

Eci caluvalesele Shukulu Kalunga, ngecivene, watumine muka-kwimanena kuli Amaziya. Co uje muka-kwimanena wamwihwile ngwendi, “Omwo vika ulemesela vinjambi veka vaje kuvasa nameme kwamena myonyo ya vanu vavo ku mavoko eni?”

2 Mizimbu 28:13

Vendekele ngwavo, “Kesi muvanene kuno ovo vinzinda! Yetu tunalingi laja vuvi ku mesho a Shukulu Kalunga, co tunamuluvalesa ngeci atuhise. Co ololo mushaka lalo kuwezelela ku mulonga wetu.”

2 Mizimbu 29:8

Omwo a cuma eci mukemwo Shukulu Kalunga naluvala na Yunda na Yelusalema, co cije calingile kuli vakevo cakasamesele nakuzivisa lyova munu woshe. Yeni mwazivuka mwamuvwa eci.

2 Mizimbu 32:25

Oloni Hezekiya walyalesele manene, kamwesele kasingimiko a vije vyamulingilile Shukulu Kalunga, ngecivene, vukalu vwa Shukulu Kalunga vwezile ali ikeye na a Yunda na a Yelusalema.

2 Mizimbu 34:25

Vakevo vananjivyana, co vanakombelela vin̄ombelo ku vinjambi veka, vanashangumuna vukalu vwange a vyuma vivanalingi. Vukalu vwange vunakatuka kulwisa Yelusalema, co kunjikavututumwisa embwe.

Kutuuka 34:12

Nyanyameni! Kesi mukalizivasane na vanu va mu lifuti lije mukakovela, omwo eci cikapwa ciliva kuli yeni.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Njelemiya 17:2

Vana veni vakalemesa ku mitula, na ku vifwa vije vivashimbikilile Ashela njambi wa munakazi mwisi ya minzinze ya miti yoshe yakutonola na akamwa ya malundu,

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Yoshwa 22:20

Anukeni Akane muna Zela wavyanene kwononoka lishiko a vyuma vije vyakukundika, ngeci vukalu vwezile a mbunga yoshe ya Isalele. Co Akane, kesi ikeye lika wanyongele a vuvi vwendi embwe.”

Maako 5:8

Omo vaangwile vinjambi vavaha, co mu lifuti mwakele nzita. Akati ka vanu 40,000 mu Isalele, kuma kuli munu umo wambatele ntelo nambe likunga ndi?

Maako 8:33

Co munima ya kutsa kwa Ngilyone, vanu va Isalele kuvakulaelele lalo kuli Njambi, oloni valemesele Mbale. Co vatengulwile Mbale kupwa njambi yavo,