2 Mizimbu 23:7 - Livulu lya Shukulu Kalunga

⁷ VaLevi vanapande kunyunga mwene na mikwale yakushomwena cimweja, co vakakale amo nendi kwoshe kuje kwaya. Munu woshe akeseka kukovela mu Njuvo ya Shukulu Kalunga munapande kumutsiya.”

2 Mizimbu 23:7 Iomraidhean Croise

2 Mizimbu 23:6

Kesi mukatave munu umo akakovela mu Njuvo ya Shukulu Kalunga kuvanga lika vaka-kukombelela, na vaLevi vaje vali a vipangi. Vakevo vakasa kukovelamo, omwo vapwa vakujela, oloni vanu voshe vanapande kwononoka mashiko a Shukulu Kalunga, co vakakale anja.

2 Mizimbu 23:8

Ngecivene, vaLevi na vanu va mu Yunda vanyungile mashiko aje avalekele Yehoyanda muka-kukombelela. Co munu na munu wanenele vanu vendi vaje vapandele kuhwima a Litangwa Lyakuhwima, na vaje vapandele kupanga a Litangwa Lyakuhwima.

Kutuuka 21:14

Oloni nga munu ali na matoto, co atsiya mukwavo na muuka, munapande kumutsiya, nameme nga atewela ku mutula wange nakulyamena, napande kutsa.

Kulava 3:10

Ukemika Alone na vana vendi kupanga vipangi vya vuka-kukombelela, oloni munu woshe-iwoshe akashwenya kuyehi, vakamutsiye.”

Kulava 3:38

Mosesa na Alone na vana vendi vatungilile cilombo cavo kulutwe lwa Mbalaka mu ngangela. Co vakevo vakele na moko yakupanga vipangi vya mu Mwela Wakujela mukwimanenako vanu va Isalele. Munu weka woshe ashwenya kuyehi vapandele kumutsiya.