2 Mizimbu 23:17 - Livulu lya Shukulu Kalunga

¹⁷ Asinoni vanu voshe vaile ku njuvo ya Mbale nakuyisiwula. Co vashandwele mitula na tumponya, vatsiile Matane muka-kukombelela wa Mbale kulutwe lwa mitula.

2 Mizimbu 23:17 Iomraidhean Croise

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

2 Vimyene 18:4

Watundisile mitambela ije vakele nakulemesela vaka-kujeneka kukulaela, wasiwile vimanda vya mamanya, co wavujwile vifwa vya Ashela njambi wa munakazi. Co lalo wapokwele mu vimbazuvwila linyoka wa vunengu uje yafulile Mosesa, ivatumbwile ngwavo Nehushetane. Kweta na ku simbu ije vanu va Isalele vakele nakwenyeka insense kusingimika uje linyoka.

2 Mizimbu 34:4

Akushika kwendi, vanu vasiwile mitula ivalemeselele Mbale, na mitula ya insense. Co vatwile vunga vifwa vya Ashela, na tumponya tukwavo twoshe, asinoni vakuvile lije lito a vimbumbo vya vanu vaje vakele nakuvakombelela.

2 Mizimbu 34:7

Mu lifuti lyoshe lya Vumwene vwa ku Kunto wasiwile mitula na vifwa vya Ashela, co watwile tumponya vunga, wapujwile mitula yoshe ya insense mu vimbazuvwila, asinoni welukile ku Yelusalema.

Isaya 2:18

co vinjambi va tumponya vakahwa, co a litangwa lije, vakashangazala lika Shukulu Kalunga.

Kwituluka mu Mashiko 12:3

Co mukasiwula mitula yavo nakupujula vimanda vyavo vya mamanya, nakwenyeka viti vyakulemesela Ashela njambi yavo wa munakazi, nakupokozola tumponya twakushonga twa vinjambi vavo, nakuzimangana lizina lyavo mu myela ije yakulemesela.