2 Mizimbu 23:13 - Livulu lya Shukulu Kalunga

¹³ Co wamwene mwene wamuhwa nemana ku manda ya vumwene ku cikolo ca Njuvo ya Shukulu Kalunga, ngwe ku futisi yavo, co vamyata va mbunga ya mashwalale na vaka-kwimba malupembo vamuzengelekele. Co vanu voshe vatambekele nakujolela nakwimba malupembo, vaka-kwimba va mu Njuvo ya Shukulu Kalunga na vyakwimbisa vyavo vatwamenenene ciwano. Co Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Mizimbu 23:13 Iomraidhean Croise

2 Vimyene 11:14

Co wamwene mwene wamuhwa nemana ku manda ku cikolo ca Njuvo ya Shukulu Kalunga, ngwe ku futisi yavo. Vamyata na vaka-kwimba malupembo vamuzengelekele, co vanu voshe vatambekele nakujolela nakwimba malupembo. Ataliya watavwile vuzalo vwendi mukuviilila, co watambekele ngwendi, “Vungungu! Vungungu!”

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

2 Vimyene 9:13

Aje vene vaje vamyata, vajalele vuzalo vwavo akamwa ya vindendelo ngeci Yehu emaneo, co vembile malupembo, nakutambeka ngwavo, “Yehu ololo napu mwene!”

2 Vimyene 9:23

Njolame watambekele kuli Ahaziya ngwendi, “Eci cinapu kutengulukila!” Co watengulwile litemba lyendi watewele.

1 Mizimbu 12:40

Co vanu vaje valyatele navo kushangumukila ku miyati ya Isakale ya ku kunto, na Zembuloni, na Nafetali, vanenele vyakulya a vimulu, na tumelo, na vimula, na a vingombe vaje vambatele vunga vwa tiliku, na vushuka vwa mikuyu vwakuma, na makasha-kasha a mikolovozi ya vushuka vwa vinyu, na mazi a olive. Co vanenele lalo na vingombe, na vimanga vakutsiya ngeci valye. Vyoshe evi vyalingiwile omwo akuvwaelela kuje kwakele mu lifuti lyoshe.

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

1 Mizimbu 15:27

Ndaviti wazalele cikoveyo cacilaja ca linyu lyalivwa, co vaka-kwimba, na ntwama yavo Kenaniya, na vaLevi vaje vambatele Cikasa ca Cikumiiyo navo lalo vazalele vikoveyo vyavilaja vya linyu. Co Ndaviti lalo wazalele kangamuna ka linyu.

2 Mizimbu 23:12

Co Ataliya wazivile muyoyo wa vanu vakele nakutwila mwene tuwelele, ngecivene, washatukilile ku Njuvo ya Shukulu Kalunga, kuje kwakungulukilile mbunga ya vanu.

2 Mizimbu 23:14

Yehoyanda kashakele ngeci Ataliya vamutsiile ku mutambela wa Njuvo ya Shukulu Kalunga embwe, ngecivene, washikile vamyata va mashwalale ngwendi, “Mutwaleni anja oku mumwitisa mukati ka mikana ya vaka-kunyunga, co woshe amwamena mutsiyeni.”

2 Mizimbu 34:31

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe, na mwonyo wendi woshe, nakukavangeya majwi a cikumiiyo ngwe muje muvawasonekele mu livulu.

Myaso 14:5

Oloni vakaziva lyova lyakama, omwo Njambi ali amo na vaje vaka-vushunga.

Visimo 11:10

Vivezikiso vya vaka-kulongwa, vikanenela nganda kuvwaelela, omo vaka-vuvi vatsa, co kukakala kujolela.

Visimo 29:2

Omo vaka-vushunga vashwana, co vanu voshe valisamba, oloni omo vaka-vuvi vashwana, co vanu vakemanga.

Muka-kwambulula 9:12

Omwo munu kazivuka simbu yendi omo yeta. Ngwe tuzila omo vakatsi vwasi-vwasi mu mweto, ngwe lalo visi omo vakatsi a linimbwa, mukemwo lalo na vanu vakatsi mu nganjo omo simbu ya vuvi ije kutwavandamenene yeta.

Ezekiyele 46:2

Mwene uje alinakushwana akatunde mu cipango ca mbanja ya anja nakuya mu mulili wakama, co akemane kumukulo wa vimanda vya ku cikolo, simbu vaka-kukombelela valinakwenyeka n̄ombelo yendi yamutunu nakulambula milambu yendi ya kulitombola. Co kuje ku cikolo napande kulemesa, asinoni atuuke anja. Cikolo kuvapandele kucishoka kuvanga noo cingwezi.

Maako 7:8

Ngecivene, Ngilyone watumine vaIsalele voshe ku membo avo, co kwasalele lika vanalume 300, vaje vasalele na vyuma vyoshe vya nzita, na malupembo. Co cilombo ca vaMindyani cakele mwisi yavo mu cana.