2 Mizimbu 23:11 - Livulu lya Shukulu Kalunga

¹¹ Yehoyanda watwalele Yowashe anja, co wamuzikile cilongo ku mutwe, wamwanene livulu lya mashiko a vumwene. Co vamupwisile mwene. Ngecivene, Yehoyanda muka-kukombelela amo na vana vendi vavwavesele mazi Yowashe, co vanu voshe vatambekele ngwavo, “Mwene ayoye myaka yoshe!”

2 Mizimbu 23:11 Iomraidhean Croise

2 Samwele 1:10

Ngecivene, njaile nakumutsula, omwo njazivukile ngwange kasa kuyoya omwo nau laja. Asinoni njatundisile cilongo ku mutwe wendi na mushele ku livoko lyendi, ngeci njavinene kuli yove, shukulu yange.”

2 Samwele 16:16

Co Hushai, musamba wa Ndaviti wa a mbunge, washeshele Avisalome nakutambeka ngwendi, “Mwene ayoye myaka yoshe! Mwene ayoye myaka yoshe!”

2 Samwele 5:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele.

1 Vimyene 1:25

Lelo vene nai nakukombelela n̄ombelo ya vingombe vavangi, na vimanga, na vana va vingombe vakununa. Co nalanyele vana vove va vanalume voshe, na Yowave muka-kushika nzita yove, na Aviyatale muka-kukombelela. A simbu ino vene vali ku ciwano amo nendi nakutambeka ngwavo, ‘Mwene Andoniya ayoye!’

1 Vimyene 1:34

co kuje vene Zandoke muka-kukombelela, na Natane muka-kwimanena, vakamuvwavese mazi kupwa mwene wa mu Isalele. Co imbeni lupembo nakutambeka ngweni, ‘Mwene Solomoni ayoye!’

1 Vimyene 1:39

Zandoke wambatele lilulu lya mazi a olive lije lyanonele mu Mbalaka Mwakuliwanena, co wavwavesele Solomoni. Vembile lupembo, co vanu voshe vatambekele ngwavo, “Mwene Solomoni ayoye!”

2 Vimyene 11:12

Yehoyanda watwalele Yowashe anja, wamuzikile cilongo ku mutwe wendi, co wamwanene livulu lya mashiko a vumwene. Asinoni vavwavesele Yowashe mazi nakumutumbula mwene. Co vanu vakandelelele nakutambeka ngwavo, “Mwene ayoye myaka yoshe!”

2 Mizimbu 22:11

Ahaziya wakele na ndokazi yendi ishavo umolika, lizina lyendi Njehoshemba, washombokele kuli muka-kwimanena lizina lyendi Yehoyanda. Wavombolweleo mwana umo wa munalume wa Ahaziya lizina lyendi Yowashe, wamutwalele kulyala kumutundisa kuli vana va vimyene vakwavo vaje vashakele kutsiya, co wamushwekele ku mulili amolika na ndezi yendi mu Njuvo ya Shukulu Kalunga. Co Ataliya kamutsiile.

2 Mizimbu 23:10

Co waakele vaje vanalume vakele na mikwale mu mitambela yoshe kuzengeleka Njuvo ya Shukulu Kalunga, nakunyunga mwene.

2 Mizimbu 23:12

Co Ataliya wazivile muyoyo wa vanu vakele nakutwila mwene tuwelele, ngecivene, washatukilile ku Njuvo ya Shukulu Kalunga, kuje kwakungulukilile mbunga ya vanu.

Myaso 132:18

Njikazivisa vitozi vendi shwamwa, oloni cilongo cendi cikavyazima.”

Myaso 21:3

Wezile kuli ikeye na vivezikiso vyavivwa, nakumuzika cilongo ca ngolinde yaivwa ku mutwe wendi.

Myaso 78:5

Ikeye waanene vukaleo ku vanu va Isalele, na mashiko kuli vatekulwila va Yakomba. Ikeye washikile vakukulwila vetu, ngeci valongese mashiko endi ku vana vavo,

Myaso 89:20

Njinaangula ngamba yange Ndaviti kupwa mwene, njinamuvwavesa mazi ange akujela.

Myaso 89:39

Unapokola cikumiiyo cove na ngamba yove, co unanyongesa vumwene vwendi njwa.

Kutuuka 25:16

Asinoni aka vitale vivali vya mamanya vya vukaleo mu cikasa, vije vinjikamyana, aje ali mashiko.

Kutuuka 25:21

Co aka vitale vivali vya mamanya vya vukaleo vinjikakwana mukati ka cikasa, co aka cifwiko ca mema ku mbunge akamwa yaco.

Kutuuka 31:18

Omo Njambi wamanesele kushika Mosesa a Munkinda wa Sinai, co wamwanene vitale vivali vya vukaleo vya mamanya aje Njambi vavenya wasonekeleo mashiko na livoko lyendi.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 8:16

Yeni vandongisi vange, munapande kunyanyama nakunyunga majwi aje ananjana Njambi.

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

VaHevelu 2:9

Oloni tunamono Yesu, uje ivanapwisa kasimbu kakandondo lika mwisi ya tungelo, ngecivene, mu kutetela kwa Njambi napande kutsila vanu voshe. Ololo tunamumono vanamuziki cilongo ca vumpau na kasingimiko omwo a kutsa kuje kwayandele.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

Kujombolola 19:12

Mesho endi afwile ngwe milangi ya tuhya, co wazalele vilongo vyavingi ku mutwe wendi. Vamusonekele lizina lije naumo wai walizivukile kuvanga ikeye vavenya lika.

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 4:4

Co ku litanda lije kwazengelekele matanda akwavo makumi avali na matanda awana aje avatumbamene vakulunu makumi avali na vakulunu vawana vazalele vuzalo vwakutoka, co vazalele vilongo vya ngolinde ku mitwe yavo.

Kujombolola 5:10

Co unavapwisa vumwene vwa vaka-kukombelela mukupangela Njambi yetu, co vakashwana ano asi.”

1 Samwele 10:1

Ngecivene, Samwele wanonele lilulu lya mazi a olive waetilile a mutwe wa Saulu, wamutsembele, co wendekele ngwendi, “Shukulu Kalunga nakuvwavesa mazi kupwa muka-kushwana vanu vendi va Isalele. Ukashwana vanu vendi nakuvanyunga ku vitozi vavo voshe. Co ovu vukevwo vukaleo vwove ngeci Shukulu Kalunga nakwangula kupwa muka-kushwana vanu vendi.

1 Samwele 10:24

Co Samwele wendekele kuli vanu ngwendi, “Ou ikeye munu yanamyangwila Shukulu Kalunga! Co kukwesi wakufwa ngwe ikeye akati keni.” Co vanu voshe vatambekele ngwavo, “Mwene ayoye myaka yoshe!”