2 Mizimbu 21:16 - Livulu lya Shukulu Kalunga

¹⁶ Shukulu Kalunga washangumwine vimbunge vya vaFilisitiya, na vaAlambe vaje vakele kuyehi na vaSundane ku cikuma ca mema a kalunga, ngeci vakalwise Njeholame.

2 Mizimbu 21:16 Iomraidhean Croise

2 Samwele 24:1

Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

1 Vimyene 11:11

Ngecivene, Shukulu Kalunga wendekele kuli Solomoni ngwendi, “Omwo unapokola cikumiiyo cange nove, co unalimbulula mashiko ange, njalisingi ngeci njikatundisa vumwene kuli yove, co njikavwana kuli vamyata vove.

1 Vimyene 11:14

Ngecivene, Shukulu Kalunga watumine Handande, wa ku naanga ya vumwene vwa Endome, kulwisa Solomoni.

1 Vimyene 11:23

Njambi lalo walingisile Lezone muna Elyanda kutengulukila Solomoni. Lezone watewele kuli shukulu yendi, Mwene Handandezele wa ku Zova,

2 Mizimbu 17:11

VaFilisitiya vamo vanenelele Njosefati siliva yaingi na vwana vukwavo, co vaAlavya vamo vamunenelele vimanga vakupwa 7,700 na vimembe vakupwa 7,700.

2 Mizimbu 22:1

Co vanu va mu Yelusalema vashwanesele Ahaziya munendi wa mutinikila kupwa mwene, omwo mbunga imo ya vanu vezile na vaAlambe ku cilombo vatsiile vana vendi voshe va vakulunu. Ngecivene, vashwanesele Ahaziya kupwa mwene.

2 Mizimbu 26:7

Co Njambi wamukwasele kufungulula vaFilisitiya, na vaAlavya vaje vakele ku Ngulembale na vaMeuni.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Ezela 1:1

Mu mwaka wakulivanga omo Siluse wapwile mwene wa Pelesha, Shukulu Kalunga walingisile vije vyendekele muli Njelemiya muka-kwimanena ngeci vipwe vya vushunga. Shukulu Kalunga walingisile Mwene Siluse kusoneka lishiko nakulituma ngeci valilave nakulitambeka kwoshe-ikwoshe mu vumwene vwendi ngwavo,

Ezela 1:5

Asinoni vakulunu va vikota vya miyati ya Yunda na Mbenjemani, na vaka-kukombelela, na vaLevi, na vanu voshe vaje wakasumwisile Njambi vimbunge vyavo, vaile nakutungulula Njuvo ya Shukulu Kalunga mu Yelusalema.

Njwele 3:5

Munambata siliva yange na ngolinde, co munatwala vufuko vwange mu vinjuvo vya vinjambi veni.

Amose 1:6

Shukulu Kalunga alinakwendeka ngwendi, “Vanu va ku Ngaza vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe nakuvalandesa kupwa vinzinda kuli vanu va ku Endome.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.