2 Mizimbu 21:11 - Livulu lya Shukulu Kalunga

¹¹ Co mu Yunda na mu mafuti a malundu watungililemo myela yakulemesela vinjambi va vaka-kujeneka kukulaela, co watwamenenene vanu va mu Yunda na vanu va mu Yelusalema kulinga vuvi ku mesho a Shukulu Kalunga.

2 Mizimbu 21:11 Iomraidhean Croise

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

1 Vimyene 14:16

Shukulu Kalunga akaseza Isalele omwo Yelovowame nalingi vuvi nakutwamenena vanu va Isalele mu vuvi.”

1 Vimyene 14:9

Unalingi vuvi vwakama manene kutuvakana vaje valivangele kushwana. Yove unanjivyana, co unashangumuna vukalu vwange akulinga tumponya na vifwa vya vutale nakuvilemesa.

2 Vimyene 21:11

“Mwene Manase nalingi vyuma vyavivi, vikevyo oni vinatuvakana nevi vivalingile vaKanana, omwo tumponya twendi natwamenena vanu va mu Yunda mu vuvi.

2 Vimyene 9:22

Co Njolame wamwihwile ngwendi, “Ulinakwija mu kwoloka ndi?” Yehu wamukumbulwile ngwendi, “Vatijo njija mu kwoloka oku anga tucili na vulozi na tumponya vije vivashangumukile vanyoko Njezevele?”

2 Mizimbu 21:10

VaEndome na lelo lino valimanena kutunda ku Yunda. A simbu ije lalo vanu va mu Limbena navo lalo valimanenene, co valyangwilile mwene yavo, omwo Njeholame wasezele Shukulu Kalunga Njambi ya vakukulwila vendi.

2 Mizimbu 21:13

Oloni unatembunwina vingila vya vimyene va Isalele, co unatwamenena vanu va mu Yunda na vanu va mu Yelusalema nakuvapwisa vaka-kujeneka kukulaela, ngwe mwalingile Ahave na naanga yendi vaje vatwamenenene Isalele kupwa vaka-kujeneka kukulaela. Co lalo unatsii vishongo vove, vakevo vapwile vanu vavavwa kutuvakana yove.

2 Mizimbu 33:9

Manase watwamenenene vanu va mu Yunda mu kulinga vuvi vwakama manene kutuvakana vuvi vuje vuvalingile miyati ije yaashekele Shukulu Kalunga mu lifuti omo vanu vendi vakele nakuya kulutwe.

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Kutuuka 34:16

Co omo vana veni va vanalume vakambata vana vavo va vanakazi, co vakavatangula kukulaela kwavo, co vakalemesa vinjambi vavo.

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Ezekiyele 20:28

Njavanenele ku lifuti lije linjavakulaesele kuvana. Omo vakevo vamwene malundu amalaja na miti yakutonola, co vakombeleleleko vin̄ombelo. Co vanjiluvalesele a vin̄ombelo vije venyekele na a vinyu vije vivanenele kupwa milambu.

Ezekiyele 23:11

“Nameme ndokazi yendi Oholimba wamwene vyuma evi, oloni ikeye kombileko mbunge, wahyanene vukwizi kutuvakana ndokazi yendi Ohola.

Ndanyele 3:15

Ngecivene, ololo, omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka, co kulameni nakulemesa kamponya. Nga sheni, co vakamyumbila mu litende lya tuhya. Kuma yeni munayongola ngweni kuli njambi weka lalo uje asa kumyamena ndi?”

Hoziya 12:1

“Vyuma vyoshe vije vivakalingi vanu va mu Isalele kutunda ku mutondo nakweta ku vutsiki kuvyesi na seo, co vinapu vyakunyongesa. Makuli na vilinga vya muuka vinatumu akati kavo. Co valinakulikumiiya cikumiiyo na vaAsilya, nakulinga nganyo na vaka-Ingito.”

Hoziya 4:15

“Nameme yeni vanu va mu Isalele munapu vakujeneka kulongwa kuli yange, ngeci vene Yunda kesi alizive ngwe ali na mulonga wa cuma eci embwe. Kesi muye ku Ngilingale nakulemeselako nambe ku Mbetele, nambe kulinga cikulaeso mu lizina lya Shukulu Kalunga wakuyoya.

VaLevi 17:7

Vanu va Isalele vanapande kupwa va kulongwa kuli Shukulu Kalunga. Kuvapandele kutsiila vimuna vavo mushandangala yangoco, nakukombelela vin̄ombelo ku minzinzime yakujwala ije yakulifwa na vimembe. Vanu va Isalele vanapande kunyunga lishiko eli ku visemwa vyavo vyoshe vya kulutwe.

VaLevi 20:5

asinoni yange vavenya njikamukengesa nima uje munalume na naanga yendi yoshe, na voshe vanakundama kuli ikeye akunjiseza yange nakulemesa njambi Moleki. Kunjikavalava lalo kupwa vanu vange embwe.

Hambakuke 2:15

Munavindama! Mu vukalu vweni mwapwisile vakweni ngwe vangoco na kuvazivisa shwamwa, mwavapelyangesele ngwe vaka-kupenda.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.