2 Mizimbu 20:29 - Livulu lya Shukulu Kalunga

²⁹ Co mafuti oshe valijujukilile omo vazivile ngeci Shukulu Kalunga nahyana vitozi va Isalele,

2 Mizimbu 20:29 Iomraidhean Croise

Kushangumuka 35:5

Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava.

2 Vimyene 7:6

Shukulu Kalunga wazivisile vaSilya cililimo cakufwa ngwe ca mashwalale vavangi vaija na tuvalu na matemba, co vaSilya vayongwele ngeci mwene wa mu Isalele nakumuna mwene wa vaHiti na mwene wa Ingito na mashwalale vavo mukuvalwisa.

2 Mizimbu 14:13

asinoni Asa na mashwalale vendi vavashekele nakuvetesa ku Ngelale. Ngecivene, vatsiile vaSundane vavangi naumo wai wavo wayoyeleo. Shukulu Kalunga wavanyongesele na nzita yendi, co mashwalale vapukwile vufuko vwavungi manene.

2 Mizimbu 14:14

Asinoni vanyongesele vinganda vije vyazengelekele Ngelale, omwo vanu vamwo vakele na lyova lya Shukulu Kalunga. Co mashwalale vapukwile vyuma vyoshe vya muje mu vinganda omwo mwakele vufuko vwavungi manene.

2 Mizimbu 17:10

Shukulu Kalunga wazivisile lyova vumwene vwoshe vwa mafuti aje azengelekele Mwene Njosefati kwija nakulwa nendi nzita.

2 Mizimbu 20:28

Omo vetele mu nganda, vaile ku Njuvo ya Shukulu Kalunga, oku vemba tulyalya na malupembo.

Myaso 76:8

Kusompa kwove vacizivukile tunde mwilu, vanu va asi vazivile lyova volokele kuluu,

Kutuuka 14:14

Shukulu Kalunga ikeye akamilwilako, yeni nacimo cai cimukalinga.”

Kutuuka 14:25

Mavalo a makalu avo atomenene, ngeci vakevo vakele mu vukalu. Co vaka-Ingito vendekele ngwavo, “Tusezeni ava vanu Shukulu Kalunga alinakuvalwilako, co alinakulwisa yetu.”

Kutuuka 23:27

“Vanu vaje vamivyanangana njikavazivisa lyova, co njikalingisa kwiyasana akati ka vanu vaje mulinakulwa navo, co vitozi veni voshe vakamitewa.

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.