2 Mizimbu 20:27 - Livulu lya Shukulu Kalunga

²⁷ Co Njosefati watwamenenene vanu vendi, co velukile ku Yelusalema nakuvwaelela, omwo Shukulu Kalunga nahyana vitozi vavo.

2 Mizimbu 20:27 Iomraidhean Croise

2 Mizimbu 20:26

Co a litangwa lyamuciwana vakungulukilile mu Cana ca Mbelaka nakushangazala Shukulu Kalunga a vyoshe vije vyalingile. Cana cije mukemwo vacitumbwile ngwavo, “Mbelaka.”

2 Mizimbu 20:28

Omo vetele mu nganda, vaile ku Njuvo ya Shukulu Kalunga, oku vemba tulyalya na malupembo.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Myaso 20:5

Asinoni tukatambeka nakujolela akuhyana kwove, co mu lizina lya Njambi yetu tukashimbika vipandelo vyakushangazala Njambi yetu. Shukulu Kalunga akumbulule kulomba kwove kwoshe!

Myaso 30:1

Njikushangazala yove Shukulu Kalunga, omwo unanjamena, co kuwakengelelele vitozi vange ngeci valyalesele ali yange embwe.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Ezekiyele 46:10

Mwene napande kukovela mukati omo vanu vakovela mukati, co napande kutuuka omo vanu vatuuka

Mika 2:13

Njambi akavashokolwela ngila, nakuvatwamenena kutunda mu vunzinda. Co vakatavozola vikolo vya nganda nakuliila ngoco. Mwene wavo, Shukulu Kalunga akavatundisamo.

VaHevelu 6:20

kuje Yesu natutwamenako, co nakovelamo napu laja Muka-kukombelela Wakama wa ku myaka yoshe ngwe ku cifwa ca Melekizendeki.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

1 Samwele 2:1

Hana walombelele ngwendi, “Mbunge yange ijolela muli Shukulu Kalunga, njavwaelela omwo a evi vyanalingi Shukulu Kalunga! Njilinakujola vitozi vange, njijolela manene omwo Njambi nanjikwasa!