2 Mizimbu 20:26 - Livulu lya Shukulu Kalunga

²⁶ Co a litangwa lyamuciwana vakungulukilile mu Cana ca Mbelaka nakushangazala Shukulu Kalunga a vyoshe vije vyalingile. Cana cije mukemwo vacitumbwile ngwavo, “Mbelaka.”

2 Mizimbu 20:26 Iomraidhean Croise

Kushangumuka 28:19

Ngecivene, walukile mutambela uje Mbetele. Oloni akulivanga lije limbo valitumbwile ngwavo Luze.

Kushangumuka 32:20

Munapande kwendeka lalo ngweni, ‘Eyo, ngamba yove Yakomba alinakwija munima yetu.’ ” Wayongwele ngwendi, “Njikamuhwimisa mu mbunge avwana ovu njinamwana, co omo njiliwana nendi, amo akanjisambesa.”

2 Samwele 22:1

Omo Shukulu Kalunga waamenene Ndaviti kuli Saulu na vitozi vendi voshe, Ndaviti wembilile mwaso ou Shukulu Kalunga ngwendi,

1 Mizimbu 12:3

Vantwama vavo vapwile Ahiyezele, na Yowashe, vana va Shemaa, wa ku Ngimbeya. Ava vakevo vapwile mashwalale, Njezeyele, na Pelete, vana va Azemavete, na Mbelaka, na Yehu wa ku Anatote,

2 Mizimbu 20:25

Omo Njosefati na vanu vendi vezile nakupukula vivala, vawanene vingombe vavangi manene, na vyakulya, na vuzalo, na vyuma vikwavo vya seo. Co vakele matangwa atatu akukungulula vivala vyakupukula, oloni vyatumine manene kuvasele kwambata vyuma vyoshe.

2 Mizimbu 20:27

Co Njosefati watwamenenene vanu vendi, co velukile ku Yelusalema nakuvwaelela, omwo Shukulu Kalunga nahyana vitozi vavo.

2 Mizimbu 5:9

Co mikambo yapwile yailaja manene ngeci vishongo vyayo vasele kuvimona akwimana kulutwe lwa Mwela Wakujela Manene, oloni mikambo kuvasele kuyimona vaka-anja. (Co ije mikambo na lelo lino kuyicili.)

Kutuuka 17:15

Co Mosesa watungile mutula nakuuluka lizina ngwendi “Shukulu Kalunga ikeye Muka-kunjihyanesa.”

Isaya 62:4

Kuvakakutumbula ngwavo, “Nganda ivanaseze.” Nameme lifuti lyove kuvakalitumbula ngwavo, “Munakazi wa mumba.” Oloni lizina lyove lyaliha likapwa “Njambi Avwaelela Nendi.” Lifuti lyove vakalitumbula ngwavo, “Nashomboka Nakuvwaelela.” Omwo Shukulu Kalunga navwaelela nove, co akapwa ngwe munalume ku lifuti lyove.

Luka 1:68

“Tushangazaleni Shukulu Kalunga Njambi ya Isalele! Naija nakukwasa vanu vendi nakuvapatula.

Vilinga vya Miluwa 1:19

Vanu voshe vakele mu Yelusalema vacizivile, co mu muyati wavo vatumbwile lije lihya ngwavo, Akalundama, kulumbununa ngwavo, “ Lihya lya Maninga.”)

1 Samwele 7:12

Asinoni Samwele wanonele limanya, walitumbikile mukati ka Mizipa na Shene, co wendekele ngwendi, “Shukulu Kalunga natukwasa yetu voshe mu ngila yetu.” Co walukile lije limanya ngwendi, “Limanya Lyakukwasa.”