2 Mizimbu 20:20 - Livulu lya Shukulu Kalunga

²⁰ Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

2 Mizimbu 20:20 Iomraidhean Croise

2 Samwele 14:2

ngecivene, Yowave watumine munakazi wakunyanyama wakele mu Tekowa. Omo uje munakazi wetele, co Yowave wendekele kuli ikeye ngwendi, “Likwise ngwe ulinakulila, zala vuzalo vwove vwakulila, kesi usakule vin̄ambu vyove, co kesi ulikwite mazi. Linga ngwe munakazi uje nakala simbu yakama nakulila.

1 Mizimbu 4:5

Co Ashehule, ikeye watungile limbo lya Tekowa, wakele na vanakazi vendi vavali mazina avo, Hela, na Nala.

2 Mizimbu 11:6

Mbetelehema, na Etame, na Tekowa,

2 Mizimbu 20:19

Co vaLevi vaka-cikota ca Kohate na Kola vemanene nakushangazala Shukulu Kalunga, Njambi ya Isalele nakutambeka.

Myaso 125:1

Voshe vaje vakulaela kuli Shukulu Kalunga vanapu ngwe Munkinda wa Siyone, uje kuwasa kuninganga, oloni wakala ku myaka yoshe.

Kutuuka 14:31

Omo vaIsalele vamwene nzili yakama ya Shukulu Kalunga yahyanene nayo vaka-Ingito, vakomokele Shukulu Kalunga nakukulaela kuli ikeye nakukulaela lalo muli ngamba yendi Mosesa.

Isaya 26:3

Shukulu Kalunga akana kwoloka, kuli vaje vakolesa kukulaela kwavo mbe, vaje vakulaela kuli yove.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Isaya 7:9

Isalele kuyesi na nzili yakutuvakana Samaliya nganda yayo yakama, co samaliya kuyesi na nzili yakutuvakana Mwene Peka. “Nga kukulaela kweni kucikakolesa, co kumukakolesa embwe.”

Njelemiya 38:20

Co njamukumbulwile ngwange, “Naumo wai akakwana ku mavoko a vaYunda. Yange njikulomba lika ngwange wononoke majwi a Shukulu Kalunga, co vyuma vyoshe vikapwa vyavivwa kuli yove, co vakakuseza na mwonyo.

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Ndanyele 6:23

Mwene wavwaelelele manene, co washikile ngeci vatundise Ndanyele mu mbulu. Ngecivene, vamutundisilemo oloni vamwene ngeci vindumba kuvamushumine omwo wakulaelele kuli Njambi.

Luka 16:31

Oloni Avilahama wendekele ngwendi, ‘Nga kuvatolilila kuli Mosesa na kuli vaka-kwimanena, kuvasa kutolilila nambe nga umo asanguka ku vatsi.’ ”

Yowano 11:40

Yesu wendekele kuli ikeye ngwendi, “Kuma kunjakulekele ngwange nga ukulaela ukamona vumpau vwa Njambi ndi?”

Yowano 13:20

Mwa vushunga njimileka ngwange, woshe uje atambula uje njinatumu, atambula yange lalo, co woshe uje atambula yange atambula uje wanjitumine.”

Yowano 14:1

Yesu wavalekele ngwendi, “Kesi mulishoshomwene mu vimbunge vyweni. Kulaeleni kuli Njambi, co kulaeleni kuli yange lalo.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

VaHevelu 11:6

Naumo wai asa kuvwaelelesa Njambi akujeneka kukulaela, omwo uje aija kuli Njambi napande kukulaela ngeci Njambi kwali na ikeye muka-kwana cikandelela kuli vaje valinakumushakezeka.