2 Mizimbu 20:17 - Livulu lya Shukulu Kalunga

¹⁷ Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

2 Mizimbu 20:17 Iomraidhean Croise

1 Vimyene 20:13

A simbu ije, muka-kwimanena waile kuli Mwene Ahave nakwendeka ngwendi, “Shukulu Kalunga nendeka ngwendi, ‘Kesi uzive lyova a nzita ije yakama! Ku litangwa lya lelo njikakuhyanesa, co yove ukazivuka ngeci kuma yange njapwa Kalunga.’ ”

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 20:16

Imene yeni mukavalwise omo vezilila ku ngila ya ku Zize. Mukaliwana navo ku shongo ya cana ku mambo ya Njelwele.

2 Mizimbu 32:7

“Pweni vaka-kusimpa na vaka-lukakateya, kesi muzive lyova lya mwene wa vaAsilya nambe mbunga ya mashwalale ava vaalinakutwamenena. Omwo ou tuli nendi ali na nzili kutuvakana uje ali kuli ikeye.

2 Mizimbu 32:8

Ikeye ali na nzili ya vunu, oloni yetu tuli na Shukulu Kalunga Njambi yetu ikeye atukwasa kulwa nzita yetu.” Co vanu vakanyamene omwo majwi endekele mwene yavo.

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Kutuuka 14:25

Mavalo a makalu avo atomenene, ngeci vakevo vakele mu vukalu. Co vaka-Ingito vendekele ngwavo, “Tusezeni ava vanu Shukulu Kalunga alinakuvalwilako, co alinakulwisa yetu.”

Kutuuka 6:1

Asinoni Shukulu Kalunga wendekele kuli Mosesa ngwendi, “Ololo oni ukamona vinjikalinga kuli mwene, omwo njikamusindiya ecele vanu vange vaye. Njikamusindiya ngeci akavasheke mu lifuti lyendi.”

Isaya 30:15

Shukulu Kalunga wa Akamwa ya Vyoshe, Njambi Wakujela wa Isalele, nendeka kuli vanu ngwendi, “Mukutenguluka namukuhwima mukemwo mumukawana mwonyo, co mu kwoloka namukukulaela mukemwo mumukawana nzili.

Isaya 30:7

Ingito kuyasa kumikwasa, omu mukemwo njashendumuna Ingito ngwange, ‘Candza-ngombe Wa Vushungu.’ ”

Isaya 37:6

wamukumbulwile ngwendi, “Shukulu Kalunga nakuleka ngwendi kesi utave vaAsilya vakutewese na lingwavo lyavo ngeci ikeye kasa kumyamena embwe.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Mbimbi 3:26

ngecivene, cinapu cacivwa kuli yetu kumuvandamena nakusimpa ngeci atwamene.

Amose 5:14

Ngecivene, shakezekeni vije vya vushunga, kesi vije vyavivi, ngeci muyoye. Asinoni Shukulu Kalunga Njambi Muka-nzili yoshe akakala amo neni, ngwe mumukendeka.

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Kwituluka mu Mashiko 3:22

Kesi uvazivile lyova embwe, omwo Shukulu Kalunga Njambi yove ikeye akamilwilako.’

2 Timateo 4:22

Mwene akale amo na munzinzime wove. Kutetela kwa Njambi kukale amo neni voshe.

Maako 7:21

Munu na munu wemanene mu mutambela wendi nakuzengeleka cilombo, co vaMindyani voshe vatewele nakutambeka.

1 Samwele 17:47

co munu na munu uje ali kuno akazivuka ngwendi Shukulu Kalunga kesi kulwa na mikwale nambe na makunga mukwamena vanu vendi. Omwo Shukulu Kalunga muka-kuhyana vinzita, co ikeye akamikundika mu mavoko etu.”