2 Mizimbu 20:12 - Livulu lya Shukulu Kalunga

¹² Yove u Njambi yetu! Vahise, omwo yetu kutwesi na nzili ku mbunga ya mashwalale ava vavangi ngacije ava valinakutulwisa. Kutuzivuka vatijo tulinga, oloni tulinakukenga mesho kuli yove ngeci utukwase.”

2 Mizimbu 20:12 Iomraidhean Croise

2 Samwele 14:11

Co uje munakazi wendekele ngwendi, “Shukulu, shukulu, lombela kuli Shukulu Kalunga Njambi yove, ngeci kavushoko kange ou ashaka kulinga shambandinga a kutsa kwa munange, kesi alinge mulonga wakama lalo wakutsiya munange mukwavo nasalako.” Co Ndaviti wamukumbulwile ngwendi, “Njikukulaesa ali Shukulu Kalunga wakuyoya ngwange munove kakavulumuka lalo embwe.”

1 Vimyene 1:20

Shukulu, vanu va Isalele voshe valinakukenga kuli yove ngeci uvaleke iyajo akakushwana.

2 Vimyene 6:15

Alikaki mutondo, ngamba ya Elisha wendukile, watuukile mu njuvo, co wamwene mashwalale va Silya na tuvalu twavo na matemba avo vanazengeleka nganda. Co welukile kuli Elisha, wamulekele ngwendi, “Shukulu tunatsi! Tulinga vati?”

2 Mizimbu 20:13

Vanalume voshe va mu Yunda, na vanakazi vavo, na vanike, vemanene ku Njuvo ya Shukulu Kalunga.

Myaso 141:8

Oloni yange njinakulaela kuli yove, Shukulu Kalunga wa Akamwa ya Vyoshe, njikenga kuli yove ngeci unjinyunge, kesi unjecelele ngeci njitse!

Myaso 25:15

Mesho ange simbu yoshe akakenge kuli Shukulu Kalunga ngeci anjikwase, co anjamena ku vushonde.

Myaso 43:1

Njisompele yove Njambi, nakunjakwila mulonga wange ku muyati wa kukomoka Njambi, njamene ku vaka-makuli na vaka-vuvi!

Myaso 7:6

Yove Shukulu Kalunga, luvala nakulinga cuma cimo, lwisa vitozi vange vaje vanaluvala nange, mona ngeci vushunga vulinakulingiwa.

Myaso 7:8

Shukulu Kalunga, yove lyaako wa vanu voshe. Njisompe nakuwana ngeci yange kunjesi na mulonga.

Myaso 9:19

Ija, Shukulu Kalunga! Kesi utave munu akuhyane embwe! Imika vaka-vuvi mu mbanja ngeci uvasompe.

Myaso 94:2

Yove lyaako wa vanu voshe, vahise ngwe ku vilinga vyavo!

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 42:4

Kakonwa nambe kujuka, noo nanene vushunga asi. Mafuti a kulyala akashungwiya manene vilongesa vyendi.”

Isaya 45:22

“Yeni voshe muli kwoshe kuje kwasikisila kaye, tengulukileni kuli yange ngeci mwovoke. Yange lika Njambi njiliko.

Njwele 3:12

“Miyati yoshe valivwaesele cimweja kwija ku Cana Cakusompela. Kuje yange Kalunga, njikatumbama nakusompa miyati ije yazengelekako.

Yona 2:4

Njayongwele ngwange unanjumbila kuti, kutunda kuli yove, co kunjikamono lalo Njuvo yove yakujela.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Maako 11:27

Embwe, yange nacimo cacivi cinjinalingi kuli yove cai. Yove ulinakulinga mwamuvi akulwa nzita nange. Shukulu Kalunga apwe lyaako. Ikeye ayongole ku litangwa lya lelo akati ka vaIsalele na vaAmoni.”

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”

1 Samwele 3:13

Njinamuleke ngeci njikanyanyamesa naanga yendi myaka yoshe, a vuvi vuje vwazivukile, omwo vana vendi vakele nakunjishaula, oloni ikeye kavavindikile.