2 Mizimbu 2:7 - Livulu lya Shukulu Kalunga

⁷ Ngecivene, ololo njitumine munalume uje ali na vutongwe vwakushonga mamanya, nakupangesa ngolinde na siliva na vunengu na vutale nakutonga vinanga vyakuzivuluka, nevi vya linyu, nevi vyakuvenguluka. Ikeye akapanga na vatongwe va mu Yunda na va mu Yelusalema vaje vaangwile laja tate Ndaviti.

2 Mizimbu 2:7 Iomraidhean Croise

1 Vimyene 10:11

(Co mato akama a Hilame anenele ngolinde yakutunda ku Ofila, anenele lalo na viti vyavingi vya njunipa na mamanya a seo yakama.

1 Vimyene 7:14

Co ishe, a simbu ije te natsi laja, watundile ku Tile, wapwile mutongwe mu vipangi vya vunengu, vaina vapwile fwile wa ku muyati wa Nafetali. Hulame wapwile munu wakunyanyama na muka-vutongwe nakuzivuka vyavingi. Co watavele mwamusanene Mwene Solomoni mukwendesa vipangi vyoshe vya vunengu.

Isaya 28:26

Azivuka kupanga vipangi vyendi, omwo Njambi ikeye wamulongeselevyo.

Isaya 28:29

Mana oshe awa atunda kuli Shukulu Kalunga Muka nzili yoshe. Matumbe oshe akalingi Njambi apwa akushungama, co simbu yoshe apwa amavwa.

Isaya 60:10

Shukulu Kalunga alinakwendeka ku Yelusalema ngwendi, “Yelusalema, vaka-kwija vakatungulula vivumbe vyove, co vimyene vavo vakakupangela. Njakuhisile omwo vukalu vwange, oloni ololo njikakumwesa kutetela kwange, na mema ku mbunge ange.

Ezekiyele 27:5

Vapangesele mavaya a viti vya tulipi twa ku Munkinda wa Helemone, na viti vya kendale vya ku Lembanone vikevyo vapangesele kanjuvo kove ka akamwa ya vwato.