2 Mizimbu 2:5 - Livulu lya Shukulu Kalunga

⁵ Njinayongola kutunga Njuvo ya Shukulu Kalunga yakama, omwo Njambi yetu wapwa wakama kuhyana vinjambi voshe.

2 Mizimbu 2:5 Iomraidhean Croise

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

1 Vimyene 9:8

Co eyi Njuvo ikemuka mutumbo wangoco, co munu woshe aketilako akalisimoka nakulikomokela, co akehula ngwendi, ‘Omwo vikajo Shukulu Kalunga nalingi eci ku lifuti lino na ku Njuvo eyi?’

1 Mizimbu 16:25

Shukulu Kalunga wapwa wakama, co vanapande kumushangazala, ikeye lika vanapande kusingimika kuhyana vinjambi voshe.

1 Mizimbu 29:1

Mwene Ndaviti walekele mbunga yoshe ngwendi, “Munange Solomoni ikeye yanaangula Njambi, oloni ikeye acili mwanike, kesi na mana manene. Vipangi evi vilingiwa vinapu vyakama manene, omwo Njuvo eyi kesi ya vanu embwe, oloni inapu Njuvo ya Shukulu Kalunga Njambi.

1 Mizimbu 29:14

“Nameme yange na vanu vange, kutwasa kukwana cuma cimo, omwo vyuma vyoshe vyapwa vwana vwakutunda kuli yove, co yetu tunakwilwisila lika vije vyapwa laja vyove.

2 Mizimbu 2:9

ngecivene, vanjivwaesele viti vyavingi, omwo Njuvo ya Shukulu Kalunga injinayongola kutunga ikapwa yakama yakukomokesa.

2 Mizimbu 29:11

Vana vange, kesi muungumuke embwe. Shukulu Kalunga namyangula ngeci mumwenyekele insense nakutwamenena vanu nakumulemesa.”

2 Mizimbu 6:18

“Oloni yove Njambi kumani wasa kukala asi akati ka vanalume na vanakazi ndi? Inonwa mwilu ya melu mwoshe kuwasa kufwamo, co vatijo Njuvo eyi njinakutungila ufwamo ndi?

Myaso 135:5

Njazivuka ngwange Shukulu Kalunga ikeye wapwa wakama, wapwa wakama kuhyana vinjambi voshe.

Myaso 145:3

Shukulu Kalunga wapwa wakama, co vanapande kumushangazala manene, naumo wai asa kuzivuka vukama vwendi.

Myaso 148:4

Mushangazaleni, yeni melu ya melu, neni mema akala akamwa ya melu!

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Njelemiya 10:6

Shukulu Kalunga, kukwesi weka wakulifwa nove wai, u Muka-nzili, lizina lyove lyapwa lyakama lya nzili.

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

1 Timateo 6:15

Njambi akamusholola a simbu ije ikapwa yaivwa, Ikeye Muka-kushika umolika, Mwene ya vimyene na Shukulu ya vashukulu.