2 Mizimbu 2:4 - Livulu lya Shukulu Kalunga

⁴ Njilinakutunga Njuvo ya Shukulu Kalunga mukusingimika Shukulu Kalunga Njambi yange. Ikeyo ikapwa mwela wakujela kuje vanu vange nange tukalemesela Shukulu Kalunga nakwenyeka insense yakunika lwengo, kuje kukekwo kutukamutwalela vin̄ombelo vya makende akujela a simbu na simbu, kuje kukekwo kutukamukombelela vin̄ombelo vya kwenyeka a mutondo a mutondo na a cingwezi a cingwezi, na a Matangwa Akuhwima, na a Viwano vya Kutenama kwa Ngonde, na a matangwa eka akujela mukusingimika Shukulu Kalunga Njambi yetu. Ikeye nashiki vaIsalele kulinga ngeci ku myaka yoshe.

2 Mizimbu 2:4 Iomraidhean Croise

1 Vimyene 5:5

Shukulu Kalunga wakulaesele tate Ndaviti ngwendi, ‘Munove uje injikashwanesa kupwa mwene munima yove, ikeye akanjitungila Njuvo.’ Co ololo njinayongola kutunga Njuvo ya Shukulu Kalunga mwakumulemesela Shukulu Kalunga Njambi yange.

1 Vimyene 8:18

oloni Shukulu Kalunga wendekele kuli tate Ndaviti ngwendi, ‘Wayongwele mwamuvwa akushaka kunjitungila Njuvo,

1 Vimyene 8:63

Wakombelelele vingombe vakupwa 22,000, na vimanga vakupwa 120,000 kupwa milambu ya kulitombola. Ngecivene, mwene na vanu voshe vakundikile Njuvo ya Shukulu Kalunga.

1 Mizimbu 22:5

Ndaviti wayongwele ngwendi, “Njuvo ya Shukulu Kalunga ije yakatunga munange Solomoni, inapande kupwa yalutsimo na vumpau mu lifuti mwoshe. Oloni ikeye acili mukwenje kanda acikale na mana, ngecivene, njinapande kuvwaesela cimweja vyayo.” Ngecivene, Ndaviti wavwaeselele cimweja vyuma vyoshe vije vivakatonda simbu kanda atse.

2 Mizimbu 13:11

A mutondo a mutondo na a cingwezi na cingwezi vakamukombelelela insense na vimuna vakwenyeka voshe vamutunu. Co vakana vin̄ombelo vya makende vakawaaka a mesa yakujela, co ku cingwezi na cingwezi vakashwameka vindeya a vitumbikilo vya vindeya vya ngolinde. Co tukalingi vije vyanatushiki Shukulu Kalunga, oloni yeni munamuseza.

2 Mizimbu 2:1

Mwene Solomoni wayongwele kutunga Njuvo ya Shukulu Kalunga muje mwakumulemesela, nakutunga lalo lipela lyendi.

Nehemiya 10:33

Co evi vikevyo vitukaana ku Njuvo ya Shukulu Kalunga yakulemesela, makende akujela, na n̄ombelo ya vimbuto vya vinona ya a litangwa na litangwa, na vimuna vakukombelela a litangwa na litangwa, na vin̄ombelo vyakujela vya a Litangwa Lyakuhwima, na a Ciwano ca Kutenama kwa Ngonde, na viwano vikwavo, na vin̄ombelo vikwavo vyakujela, na vin̄ombelo vya a vuvi vwa vaIsalele, na vyoshe vije vishakiwa ku Njuvo ya Shukulu Kalunga.

Myaso 86:8

Kukwesi weka lalo wakulifwa nove akati ka vinjambi yove Shukulu, kukwesi vipangi vyakulifwa nevi vyove.

Myaso 96:4

Shukulu Kalunga wapwa wakama, co vanapande kumushangazala, ikeye lika vanapande kusingimika kuhyana vinjambi voshe.

Kutuuka 25:30

Co aka mesa kulutwe lwa Cikasa ca Cikumiiyo, co makende akujela akulambula kuli yange akakale a mesa simbu yoshe.

Kutuuka 30:7

Co a mutondo a mutondo omo Alone akavwaesa vindeya, enyekeleo insense yakunika lwengo lwaluvwa.

Visimo 7:20

Nambatele vimbongo vyavingi, co kaija vwasi noo visimano vivali.”