2 Mizimbu 19:6 - Livulu lya Shukulu Kalunga

⁶ wavashikile ngwendi, “Nyanyameni akwendeka omo musompa, omwo kumusompela vanu embwe, oloni musompela Shukulu Kalunga, co ikeye ali amo neni omo musompa n̄anda.

2 Mizimbu 19:6 Iomraidhean Croise

1 Mizimbu 28:10

Zivuka ngeci Shukulu Kalunga nakwangula umutungile Njuvo yendi yakujela. Kolesa ngeci uyitunge.”

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

VaLevi 19:15

“Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga.

Luka 12:15

Co wendekele navo voshe ngwendi, “Nyanyameni nakulinyunga ku cipululu coshe, omwo kuyoya kwa munu kukwakundamene ku vyuma vyali navyo, nambe afuke vati.”

Luka 21:8

Yesu wendekele ngwendi, “Nyanyameni kesi vamikwise. Vanu vavangi vakaija mu lizina lyange nakwendeka ngwavo, ‘Yange vene ikeye!’ Co lalo ngwavo, ‘Simbu inete!’ Oloni kesi mukavakavangeye.

Vilinga vya Miluwa 22:26

Omo uje mukulunu wazivile evi, waile kuli uje muka-kushika mashwalale wamwihwile ngwendi, “Ushaka kulinga vika? Ou munalume napu mundambo wa mu lifuti lya Loma!”

Vilinga vya Miluwa 5:35

Co wendekele ku Munga ngwendi, “Eni vakwetu vaIsalele, nyanyameni a vyuma evi mulinakulinga kuli ava vanu.

Kwituluka mu Mashiko 1:17

Akusompa kweni, kesi mukakale na kahangu oloni munapande kusompa munu na munu mu cifwa cimolika, apwe iya nambe iya. Co kesi mukakale na lyova ali munu umo embwe, omwo kusompa kwakundama kuli Njambi. Nga mulonga umo unapu waukalu, co uneneni kuli yange, ngeci njikausompe.

Yoshwa 22:5

Mwa vushunga ononokeni mashiko aje amishikile Mosesa ngamba ya Shukulu Kalunga ngeci munapande kuzema Shukulu Kalunga Njambi yeni, nakulinga cizango cendi, nakwononoka mashiko endi, na kukakateya kuli ikeye, nakumupangela na vimbunge vyeni vyoshe na myonyo yeni yoshe.”