2 Mizimbu 19:2 - Livulu lya Shukulu Kalunga

² Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

2 Mizimbu 19:2 Iomraidhean Croise

1 Vimyene 16:1

Shukulu Kalunga watumine Yehu muka-kwimanena muna Hanani, kuleka Mbasha ngwendi,

1 Vimyene 16:12

Ngeci cipwe ngwe ku vije vyendekele Shukulu Kalunga ali Mbasha muli Yehu muka-kwimanena, Zimeli watsiile naanga yoshe ya Mbasha.

1 Vimyene 16:7

Lijwi lya Shukulu Kalunga ali Mbasha na naanga yendi lyezile ali Yehu muka-kwimanena omwo a vuvi vwalingile ku mesho a Shukulu Kalunga. Mbasha washangumwine vukalu vwa Shukulu Kalunga kesi lika omwo a vuvi vuje vwalingile, ngwe vwalingile Mwene Yelovowame akulivanga embwe, oloni omwo watsiile lalo naanga ya Yelovowame yoshe.

1 Vimyene 21:25

(Kukwakele umo walingile manene vuvi ku mesho a Shukulu Kalunga ngwe Ahave, akumusindiya kuli munakazi wendi Njezevele.

1 Vimyene 22:44

Njosefati wakele mu kwoloka na mwene wa mu Isalele.

2 Mizimbu 16:7

A simbu ije vene Hanani muka-kwimanena waile kuli Mwene Asa wamulekele ngwendi, “Omwo wakulaelele kuli mwene wa Silya, kutuvakana kukulaela kuli Shukulu Kalunga Njambi yove, mukemwo nzita ya mwene wa ku Silya vanatewa.

2 Mizimbu 18:1

Omo Mwene Njosefati wa mu Yunda wakele na vufuko vwavungi na lutsimo lwakama, wavwaesele vulo akati ka umo wa ku naanga yendi na ku naanga ya Ahave Mwene wa mu Isalele.

2 Mizimbu 18:28

Asinoni Mwene Ahave wa mu Isalele na Mwene Njosefati wa mu Yunda vaile mukulwisa nganda ya Lamote mu Ngilyande.

2 Mizimbu 18:3

Co Ahave wehwile Njosefati ngwendi, “Wasa kuya amo nange nakulwisa Lamote ndi?” Co Njosefati wamukumbulwile ngwendi, “Nange nove tunapu munu umo, co lalo mashwalale vange na mashwalale vove vanapu vamolika.”

2 Mizimbu 18:7

Ahave wamukumbulwile ngwendi, “Kwali umolika, lizina lyendi Mikaya muna Imela. Oloni yange njamuzinda omwo ikeye simbu yoshe kesi kwambulula vuka-kwimanena vwavuvwa ali yange, oloni vuka-kwimanena vwavuvi lika.” Njosefati wamukumbulwile ngwendi, “Mwene kapandele kwendeka ngacije embwe!”

2 Mizimbu 19:1

Mwene Njosefati wa mu Yunda welukile mwamuvwa ku lipela lyendi mu Yelusalema.

2 Mizimbu 19:10

Nga vavushoko vweni vatunda ku nganda ika nambe ika vanena n̄anda kuli yeni, nambe yakutsiya, nambe yakujomboka lishiko, nambe vizilika, munapande kuvalongesa mwamuvwa mwaya ngila ngeci kesi vakale na mulonga ku mesho a Shukulu Kalunga. Nga kumuvanangula, co vukalu vwa Shukulu Kalunga vukakala ali yeni na vavushoko vweni. Oloni nga muvanangula, co kumukakala na mulonga.

2 Mizimbu 20:34

Vyuma vyoshe vije vyalingile Njosefati, kutunda kukushangumukila kutwala ku shongo yakushwana kwendi, vavisoneka mu Livulu lya Mizimbu lya Yehu muna Hanani, lije lyapwa litambelo lya Livulu lya Mizimbu ya Vimyene va mu Isalele.

2 Mizimbu 24:18

Ngecivene, vanu valikelele kulemesela mu Njuvo ya Shukulu Kalunga, Njambi ya vakukulwila vavo, vashangumukile kulemesa tumponya, na vifwa vya Ashela njambi wa munakazi. Co vukalu vwa Shukulu Kalunga vwezile a Yunda na a Yelusalema omwo a vuvi ovu.

2 Mizimbu 26:18

Vamuvindikile, co vamulekele ngwavo, “Ove Uziya! Yove kuwesi na moko yakwenyekela insense Shukulu Kalunga. Kuvanga vaka-kukombelela lika vaje vakutunda kuli Alone vaje vavajelesa laja vakevo vanapande kulinga evi. Tunda mu mwela ou wakujela. Unavulumuna kuli Shukulu Kalunga Njambi, co kuukawana lalo vivezikiso vyendi.”

2 Mizimbu 32:25

Oloni Hezekiya walyalesele manene, kamwesele kasingimiko a vije vyamulingilile Shukulu Kalunga, ngecivene, vukalu vwa Shukulu Kalunga vwezile ali ikeye na a Yunda na a Yelusalema.

Myaso 15:4

Uje ayengula vaje vavyana Njambi, oloni asingimika vaje vakomoka Shukulu Kalunga. Ikeye simbu yoshe akalingi vije vyanakulaesa, nameme vyuma vifwe vati indi vati kuli ikeye.

Myaso 21:8

Livoko lyove likafungulula vitozi vove voshe, co livoko lyove lya cilyo likafungulula vaje voshe vakuzinda.

Myaso 68:1

Omo Njambi akakatuka, akashandola vitozi vendi! Vaje vamuzinda vakatunda ku mesho endi!

Myaso 71:15

Njikambulula vyuma vyavivwa vije viwukalingi, litangwa lyoshe lyamutunu, njikambulula kwamena kwove, nambe kunatuvakana muje munjizivukilamo.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Amose 7:14

Co Amose wakumbulwile ngwendi, “Yange kesi nji muka-kwimanena wakwambulwila fweto embwe. Yange nji kanyungi, nji muka-kunyunga miti ya mikuyu.

Yowano 15:18

“Nga vaka-kaye vamizinda, zivukeni ngeci mukemwo muvanjizindile yange akulivanga.

Yowano 15:23

Woshe anjizinda yange azinda Tate lalo.

Loma 1:18

Omwo vukalu vwa Njambi vunasholoka kutunda mwilu omwo a vuvi naa vilinga vya kupenga-penga vyoshe vya vanu vaje vilinga vyavo vyavivi vivindika vushunga ngeci kesi vavuzivuke.

Loma 1:30

nakwendeka vyavivi ali umo na mukwavo, vanapu vaka-kuzinda Njambi, vaka-likamba, vaka-kulyalesa, co vaka-kulipamba, vayongola vingila vyavingi vyakupangelamo vuvi, vaka-kujeneka kwononoka visemi vyavo,

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.

Efeso 5:11

Kesi mulipandakane na vyuma vyangoco vije vivakalingi vanu, vyuma vije vinakundama ku lisusulungu. Oloni vishololeni ku ceke.

Kwituluka mu Mashiko 32:41

ngeci njikotola mukwale wange wakuvyazima, njikamona ngeci vushunga vunalingiwa. Njikalinga shambandinga kuli vitozi vange, nakuhisa vaje vanjizinda.

Kwituluka mu Mashiko 33:11

Yove Shukulu Kalunga, kwasa muyati wavo ukole na nzili, vwaelela nevi vivalinga. Tsena vitozi vavo voshe. Ngeci kesi vavakatukile lalo.”

Kwituluka mu Mashiko 5:9

Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kwituluka mu Mashiko 7:10

Oloni ikeye kesi kwishwala kuhisa vaje vamuzinda.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Samwele 9:9

(Laja mu Isalele, omo munu aya nakwihula kuli Njambi, co ikeye endeka ngwendi, “Ijeni tuye kuli muka-kumona,” omwo uje ikeye vatumbula ololo ngwavo muka-kwimanena, co laja vakele nakumutumbula ngwavo muka-kumona.)