2 Mizimbu 19:11 - Livulu lya Shukulu Kalunga

¹¹ Amaliya Muka-kukombelela Wakama ikeye akasompa vin̄anda vyoshe vya vuNjambi, co mwata wa mu Yunda Zevandiya muna Ishimela, nguvulu wa mu Yunda, ikeye akasompa vin̄anda vyoshe vya cisemwa. Co vaLevi vakevo vakamikwasa. Pweni vakusimpa, nyungeni vilongesa evi, co Shukulu Kalunga akale na vaje valinga vushunga!”

2 Mizimbu 19:11 Iomraidhean Croise

1 Mizimbu 22:11

Ndaviti wendekele ngwendi, “Munange, ololo, Shukulu Kalunga Njambi yove akale amo nove, anyunge cikulaeso cendi cakukulingisa kuya kulutwe akumutungila Njuvo.

1 Mizimbu 22:16

na ngolinde, na siliva, na vunengu, na vikuvo. Ololo shangumuka oni vipangi, Shukulu Kalunga akale amo nove.”

1 Mizimbu 22:19

Ololo pangeleni Shukulu Kalunga Njambi yeni na vimbunge vyeni vyoshe, na mwonyo weni woshe. Shangumukeni kutunga Njuvo ya Shukulu Kalunga, ngeci mwakemo Cikasa ca Cikumiiyo ca Shukulu Kalunga, na vyuma vyoshe vyakujela vyakupangesa akumulemesa.”

1 Mizimbu 26:30

Co akati ka vatekulwila va Hevelone, akele Hashaviya na vavushoko vwendi vakupwa 17,000, voshe vapwile vanu vakusimpa, vavaanene moko yakwendesa vipangi vyoshe vya vuNjambi na vin̄anda vyakusompa mu Isalele ku mutambela wa mu kangombe ka yambi ku Ndonga ya Yondau.

1 Mizimbu 26:32

Co Mwene Ndaviti waangwile vakulunu va mu naanga vakupwa 2,700, vakusimpa vavushoko vwa Njeliya, co vavaanene moko yakwendesa vipangi vyoshe vya vuNjambi, na vin̄anda vyakusompa mu Isalele ku mutambela wa mu ngangela ku Ndonga ya Yondau na mu mutambela wa Luvena na Ngande na litambelo lya muyati wa Manase wa mu ngangela.

1 Mizimbu 28:20

Mwene Ndaviti wendekele kuli munendi Solomoni ngwendi, “Pwa muka-kukolesa nakulisingimika. Shangumuka vipangi, co kesi utave cuma cimo cikuvindike embwe. Shukulu Kalunga Njambi, uje injipangela, akakala amo nove. Ikeye kakakuseze embwe, oloni akakala amo nove noo ukamanesa kupanga vipangi vya a Njuvo yendi.

1 Mizimbu 6:11

Amaliya, na Ahituve,

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 15:7

Oloni yeni munapande kukolesa kesi muzeye embwe. Omwo vakamyana cikandelela a vipangi vije mulinakupanga.”

2 Mizimbu 19:6

wavashikile ngwendi, “Nyanyameni akwendeka omo musompa, omwo kumusompela vanu embwe, oloni musompela Shukulu Kalunga, co ikeye ali amo neni omo musompa n̄anda.

2 Mizimbu 19:8

Mu Yelusalema Njosefati waangwile vaLevi, na vaka-kukombelela, na vakulunu va mu naaga ya Isalele kupwa maako ngeci vaakwile milonga ya vaka-kujomboka Lishiko lya Shukulu Kalunga, nambe milonga ya akati ka vanu vaje vakele mu nganda.

Ezela 7:5

Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Myaso 112:5

Navezika munu uje ali na ngozi, munu uje akumwisa vyendi kuli vakwavo, uje apanga na vushunga mu vipangi vyendi vyakulanda nakulandulula.

Myaso 37:23

Shukulu Kalunga akatwamenena munu mu ngila ije yanapande kwendelamo, co akanyungu vaje vamuvwasa.

Visimo 2:20

Ngecivene, ukakava ngila ya vanu vavavwa, ukakava ngila ya vaka-vushunga.

Muka-kwambulula 2:26

Njambi aana mana, nakuzivuka, nakuvwaelela kuli vaje vamuvwaelelesa, oloni akapangesa vaka-vuvi, kuwana nakutulika, ngeci vije vivawana vavyane kuli vaje vamuvwaelelesa. Evi vyoshe vinapu vyangoco, vinapu lika ngwe kusheka lihunzi.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Luka 23:50

Kwakele munalume umo lizina lyendi Yosefa wa ku nganda ya Alamatiya mu Yunda. Wapwile munalume wamuvwa wa kasingimiko,

Vilinga vya Miluwa 11:24

Omwo Mbanambase wapwile munu wamuvwa, washulile na Munzinzime Wakujela nakukulaela, co vanu vavangi vavanenele kuli Mwene.

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.

Yoshwa 1:6

Kolesa nakusimpa omwo yove ukapwa ntwama ya vanu ava, ngeci vakashwane lifuti lije njalisingile na vakukulwila vavo kuvanalyo.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”