2 Mizimbu 19:10 - Livulu lya Shukulu Kalunga

¹⁰ Nga vavushoko vweni vatunda ku nganda ika nambe ika vanena n̄anda kuli yeni, nambe yakutsiya, nambe yakujomboka lishiko, nambe vizilika, munapande kuvalongesa mwamuvwa mwaya ngila ngeci kesi vakale na mulonga ku mesho a Shukulu Kalunga. Nga kumuvanangula, co vukalu vwa Shukulu Kalunga vukakala ali yeni na vavushoko vweni. Oloni nga muvanangula, co kumukakala na mulonga.

2 Mizimbu 19:10 Iomraidhean Croise

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

2 Mizimbu 19:9

Co wavashikile ngwendi, “Munapande kupanga vipangi vyeni nakusingimika Shukulu Kalunga, nakumwononoka mu vyuma vyoshe vimulinga.

Kutuuka 18:16

Omo vanu vavali vali na vin̄anda, co vaija kuli yange ngeci njiwane iya umo akati kavo ali na mulonga nambe uje navwaesa, co njivaleka kushika kwa Njambi na mashiko endi.”

Ezekiyele 3:17

“Muna munu, njikupwisa muka-kunyunga muyati wa Isalele. Yove ukavanangula vije vinjikuleka.

Ezekiyele 33:6

Ngecivene, nga muka-kunyunga amona citozi alinakwija, co kaimbi lupembo, co citozi aija nakutsiya vaje vaka-vuvi, oloni njikana uje muka-kunyunga mulonga a kutsa kwavo.

Kulava 16:46

Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.”

Kulava 17:11

Mu ngila eyi Mosesa walingile ngwe muje mwamushikile Shukulu Kalunga.

Vilinga vya Miluwa 20:31

Ngecivene, nyanyameni, co anukeni ngweni mutanya na vutsiki a myaka itatu njalongesele umo na umo weni na misozi yaingi.

Kwituluka mu Mashiko 21:5

Co vaLevi vaka-kukombelela, navo vakashwenyeko, omwo Shukulu Kalunga Njambi yeni wavaangwile kumupangela nakwambulula vivezikiso mu lizina lyendi, co lalo nakukanda lwozi nakuvatula vin̄anda vyoshe.

1 Tesalonika 5:14

Vakwetu, tumisindiya ngwetu munangule volwa, takameseni vipapoki, kwaseni vaka-kuzeya, pweni vaka-lukakateya kuli voshe.