2 Mizimbu 18:9 - Livulu lya Shukulu Kalunga

⁹ Co vaje vimyene vavali, vazalele vikoveyo vyavo vya vumwene, vatumbamene mu matanda avo ku lijungwilo anja ya cikolo ca Samaliya, co voshe vaka-kwimanena vambulwile vuka-kwimanena ku mesho avo.

2 Mizimbu 18:9 Iomraidhean Croise

2 Mizimbu 18:10

Umo wa vaka-kwimanena lizina lyendi Zendekiya muna Kenaana, wafulile vimbinga vya vutale, co wendekele kuli Ahave ngwendi, “Eci cikeco canendeka Shukulu Kalunga ngwendi, ‘Na vimbinga evi ukalwisa vaSilya, co mwa vushunga vene ukavafungulula.’ ”

2 Mizimbu 18:29

Co Ahave wendekele kuli Njosefati ngwendi, “Omo tukovela mu nzita, yange njilimuka mweka, oloni yove zala vene vikoveyo vyove vya vumwene.” Ngecivene, mwene wa mu Isalele walimukile mweka akukovela mu nzita.

2 Mizimbu 18:8

Asinoni Mwene Ahave wasanene mwata wa mbanja, co wamulekele aye akasane Mikaya vwasi.

Isaya 14:9

“Lifuti lya vatsi linalivwaesela cimweja kutambula mwene wa Mbambilone. Minzinzime ya vaje vakele na nzili ano asi inazivi akwija kwendi.

Ezekiyele 26:16

Vimyene voshe va ku vikuma vya mema a kalunga vakashuluka a matanda avo. Vakashulula vikoveyo vyavo vyavilaja mavoko, na vuzalo vwavo vwakushelasana, co vakatumbama asi nakujaja. Vakakala na lyova a kayando kove ngeci kuvakasa kulikela kujaja.

Ndanyele 7:9

Njakengele omo vaakele matanda mu myela yawo. Umo uje wakala ku myaka yoshe watumbamene a litanda limo lya akati ka matanda aje. Vuzalo vwendi vwatokele to ngwe memba, vin̄ambu vyendi vyatokele to ngwe kanyange-yange. Litanda lyendi valyakele a mavalo a tuhya aje akele nakwezoka milangi ya tuhya,

Mateo 11:8

Mwaile nakumona vikajo? Munu nazala vuzalo vwasenga ndi? Vanu vakuzala ngacije vakala mu mapela!

Mateo 19:28

Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele.

Mateo 6:29

Oloni njimileka ngwange, nameme Mwene Solomoni mu vufuko vwendi vwoshe kazalele vuzalo vwavuvwa ngwe vwa vishani evi.

Lute 4:1

Asinoni Mbowasi waile ku mwela wakukungulukila ku cikolo ca mu nganda, co watumbamene mu mbanja. Cooni kavushoko ka Elimeleke wa a mbunge, uje yatumbwile Mbowasi, wezile. Ngecivene, Mbowasi wamusanene ngwendi, “Ndolome yange ija utumbame kuno.” Co watumbamene.