2 Mizimbu 18:5 - Livulu lya Shukulu Kalunga

⁵ Ngecivene, Ahave wasanene vaka-kwimanena, vakupwa 400, co wavehwile ngwendi, “Citava ngeci njiye nakulwisa Lamote nambe embwe?” Co vakevo vamukumbulwile ngwavo, “Ya ukavalwise. Njambi akakwana nzili yakuvafungulula.”

2 Mizimbu 18:5 Iomraidhean Croise

1 Vimyene 12:9

Wavehwile ngwendi, “Mu ngila muka mumunjinangwila? Njikendeka vatijo kuli ava vanu valinakunjilomba ngeci njehwise ku vitele vyavo?”

1 Vimyene 18:19

Ololo shika vanu va Isalele voshe ngeci njikaliwane navo ku Munkinda wa Kalemele. Co ija na vaka-kwimanena va Mbale 450, na vaka-kwimanena va vinjambi va Ashele 400 vaje vakali ku mesa na Vamwene Njezevele.”

1 Vimyene 4:13

Mbenengemba, ku nganda ya Lamote mu Ngilyande, na membo a mu Ngilyande aje apwile a ku cikota ca Njaile, mutekulu wa Manase, na lifuti lya Alengove mu Mbashane, membo oshe apwile makumi atanu na limo, akele na cimpaka cakukola na mikambo ya vunengu a vikolo.

2 Vimyene 3:13

Co Elisha wendekele kuli mwene wa mu Isalele ngwendi, “Omwo vikajo njikukwasela? Ya ukehule vaka-kwimanena vaje vaakele nakwihula isho na vanyoko.” Njolame wamukumbulwile ngwendi, “Embwe, Shukulu Kalunga natukundika mu mavoko a mwene wa Mowavi yetu vimyene vatatu.”

2 Mizimbu 18:14

Omo wetele ku mesho a Mwene Ahave, co mwene wamwihwile ngwendi, “Mikaya, citava ngeci Mwene Njosefati nange tuye tukalwise Lamote indi embwe?” Co Mikaya wamukumbulwile ngwendi, “Eyo, yeni mukalwe! Mwa vushunga mukahyana. Shukulu Kalunga akamyana nzili yakuvafungulula.”

2 Mizimbu 18:4

Co Njosefati wamulekele ngwendi, “Oloni akulivanga tucihule tai kuli Shukulu Kalunga.”

2 Mizimbu 18:6

Oloni Njosefati wehwile ngwendi, “Kuma kukwesi muka-kwimanena weka lalo uje itwasa kwihula ali Shukulu Kalunga ndi?”

Njelemiya 23:14

Oloni njinamono vaka-kwimanena mu Yelusalema, vakevo ni vanai mweka valinga vupangala nakwendeka makuli, vakundwiya vanu kulinga vuvi, ngeci naumo wai alikela kulinga vuvi. Kuli yange, voshe vanapu vavavi ngwe vanu va ku Sondoma na Ngomola.

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 42:20

mwaviisile manene. Mwanjitumine kuli Shukulu Kalunga Njambi yeni nakwendeka ngweni, ‘Tulombelele kuli Shukulu Kalunga Njambi yetu, nakutuleka vyuma vyoshe vije vyanendeka, co tukavyononoka.’

Ezekiyele 13:22

“A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

2 Timateo 4:3

Omwo simbu ikaija omo vanu kuvakatolilila ku kulongesa kwa vushunga, oloni vakakavangeya mashungu avo, co vakalikungulwila valongisi vavangi vangi vaje vakavaleka vije vashaka kuziva.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.