2 Mizimbu 18:31 - Livulu lya Shukulu Kalunga

³¹ Ngecivene, omo vakevo vamwene Mwene Njosefati, co voshe vayongwele ngwavo ikeye mwene wa mu Isalele, co vakevo vatengulukile nakumulwisa. Oloni omo Njosefati watambekele, co Shukulu Kalunga Njambi wamwamenene, watengulwile nzita waikengesele kweka.

2 Mizimbu 18:31 Iomraidhean Croise

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

2 Mizimbu 13:14

Omo vaYunda valikenukile, vamwene ngeci vanavazengeleka. Co vatambekele kuli Shukulu Kalunga ngeci avakwase, co vaka-kukombelela vembile malupembo.

2 Mizimbu 13:15

Co vaYunda vakangokele nakutambeka, co Aviya wavatwamenenene kuya nakulwa. Ngecivene, Njambi wahyanene Yelovowame na mbunga ya mashwalale va vaIsalele.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 18:30

Co mwene wa Silya washikile vaka-kushika matemba endi ngeci kesi valwise munu weka kuvanga mwene wa Isalele.

2 Mizimbu 18:32

Co vaka-kushika matemba omo vamwene ngwavo kesi ikeye mwene wa Isalele, co valikelele kumusheka.

2 Mizimbu 26:7

Co Njambi wamukwasele kufungulula vaFilisitiya, na vaAlavya vaje vakele ku Ngulembale na vaMeuni.

Ezela 1:1

Mu mwaka wakulivanga omo Siluse wapwile mwene wa Pelesha, Shukulu Kalunga walingisile vije vyendekele muli Njelemiya muka-kwimanena ngeci vipwe vya vushunga. Shukulu Kalunga walingisile Mwene Siluse kusoneka lishiko nakulituma ngeci valilave nakulitambeka kwoshe-ikwoshe mu vumwene vwendi ngwavo,

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Nehemiya 1:11

Ngeci ololo Shukulu, tolilila ku lilombelo lya ngamba yove na ku malombelo a vangamba vove, ava vashaka kukusingimika. Vezikisa ngamba yove ku litangwa lya lelo, nakulingisa mwene ngeci anjizivileko mema ku mbunge.” A matangwa aje yange njapwile muka-kwana mwene vinyu.

Myaso 118:13

Vanjilwisile manene kushaka kunjifungulula vene, oloni Shukulu Kalunga wanjikwasele.

Myaso 34:7

Kangelo ka Shukulu Kalunga akanyungu vaje vakomoka Shukulu Kalunga, nakuvapatula ku vushonde.

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 56:10

Njishangazala vikulaeso vya Njambi, njishangazala lijwi lya Shukulu Kalunga.

Myaso 94:17

Nga Shukulu Kalunga kanjikwasele, nga yange njililaja mu vukalo vwa vatsi.

Kutuuka 14:10

Omo vaIsalele vamwene mwene na mashwalale vendi vakina likuluta valinakwija mukuvalwisa, co vazivile manene lyova, co vatambekele kuli Shukulu Kalunga ngeci avakwase.

Visimo 16:7

Omo uvwaelelesa Shukulu Kalunga, nameme vitozi vove vapwa vasamba.

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.