2 Mizimbu 18:26 - Livulu lya Shukulu Kalunga

²⁶ Valekeni vamwake mu kamenga, co vamwane lika likende na mema noo njiiluka mwamuvwa.”

2 Mizimbu 18:26 Iomraidhean Croise

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

2 Mizimbu 18:15

Oloni Ahave wamukumbulwile ngwendi, “Omo wendeka kuli yange mu lizina lya Shukulu Kalunga, unapande kwendeka vushunga! Visimbu vingaijo njikakuleka ngacije?”

Myaso 10:5

Muka-vuvi avezika mu vyuma vyoshe vije vyalinakulinga. Kasa kuzivisisa kusompa kwa Njambi, co lalo apopolola vitozi vendi.

Myaso 102:9

Omwo njinali lito ngwe likende, vyakunwa vyange vanavikumbasana na misozi,

Myaso 80:5

Tuyando twetu tunapu ngwe vyakulya vyetu, vusiwa vwetu vunapu ngwe mema akunwa.

Visimo 14:16

Vaka-mana vakalinyungu ku vukalu, oloni vilema vapwa valishamena, co vakalingi vyuma kuviyongola.

Isaya 30:20

Shukulu Kalunga akamiitisa mu visimbu vyavikalu, oloni ikeye vavenya akakalako mukumilongesa, co kumukamushakezeka lalo embwe.

Njelemiya 36:26

Co washikile muna mwene Njelahamele, amolika na Selaya muna Azelyele, na Shelemiya muna Avendele, ngeci vanjikwate na muka-kusoneka wange Mbaluke. Oloni Shukulu Kalunga watushwekele.

Njelemiya 37:15

Vamyata valuvalele manene nange, co vashikile mashwalale ngeci vanjipupe nakunjishokela mu njuvo ya Yonatana, muka-kusoneka wa mu mbanja, njuvo yendi ikeyo ivapwisile kamenga.

Mateo 12:24

Oloni omo vaFaliseo vavazivile, vendekele ngwavo, “Munalume ou alinakutundisa minzinzime yakujwala omwo ali na nzili yanamwana Mbelezembulu mwene ya minzinzime yakujwala.”

Mateo 5:12

Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Luka 23:2

Co vashangumukile kumuvangela ngwavo, “Tunawana ou munalume alinakutangula vanu vetu, alinakuvindika kufweta lisimu kuli Sezale nakulitumbula ikeye vavenya ngwendi ikeye Wakuvwavesa, mwene.”

Vilinga vya Miluwa 22:22

Vanu vatolililile kuli Paulu noo wendekele evi, oloni vashangumukile kutambeka manene ngwavo, “Kutwamushakele ou munalume! Mutsiyeni! Kapandele kuyoya!”

Vilinga vya Miluwa 5:18

Vakwatele miluwa nakuvaka mu kamenga ka mbunga.

2 Kolinte 11:23

Vanapu vangamba va Kilistu ndi? Njinapu ngwe munu wakuzaluka, oloni njinapu ngamba wamuvwa kutuvakana vakevo! Omwo njinaundangana manene, vanjakele mu kamenga visimbu vyavingi kutuvakana vakevo, co vanjipupile manene kutuvakana vakevo, co visimbu vyavingi njetele kuyehi na kutsa vene kutuvakana vakevo.

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

1 Samwele 25:21

Co Ndaviti wendekele ngwendi, “Njalisini ngoco kunyunga vufuko vwou munu mu mambo, kukwakele cuma cimo civevile, co nanjiilwisila vuvi ku vuvwa.