2 Mizimbu 18:21 - Livulu lya Shukulu Kalunga

²¹ Munzinzime wakumbulwile ngwawo, ‘Njikaya nakusindiiya vaka-kwimanena voshe va Ahave kwendeka makuli.’ Co Shukulu Kalunga wendekele ngwendi, ‘Ya ukamukwise. Ukasa vene!’ ”

2 Mizimbu 18:21 Iomraidhean Croise

2 Mizimbu 18:19

Shukulu Kalunga wehwile ngwendi, ‘Iyajo akakwisa Ahave ngeci akaye ku Lamote vakamutsiileko?’ Tungelo vamo vendekele mweka, co vakwavo lalo vendekele mweka,

2 Mizimbu 18:22

Co Mikaya wamanesele kwendeka ngwendi, “Shukulu Kalunga ikeye naaka munzinzime wa makuli mu tunwa twa vaka-kwimanena vove voshe ngeci vakukwise. Oloni ikeye nazivuka ngwendi ukakala mu vukalu!”

Yombi 1:12

Shukulu Kalunga wendekele kuli Satana ngwendi, “Mwamuvwa. Vyuma vyoshe vyalinavyo vili mu mavoko ove, oloni kuwapandele kumuvulumuna.” Ngecivene, Satana watundile ku mesho a Shukulu Kalunga.

Yombi 2:6

Ngecivene, Shukulu Kalunga walekele Satana ngwendi, “Kenga, ololo ali mu mavoko ove, oloni kesi umutsiye embwe.”

Myaso 109:17

Wasingile vakwavo, co ikeye lalo apwe wakusinga! Kavezikisile vakwavo, co ikeye kesi vamuvezikise lalo!

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

1 Yowano 4:6

Oloni yetu tunakundama kuli Njambi. Woshe uje azivuka Njambi atolilila kuli yetu, woshe uje kakundamene kuli Njambi kasa kutolilila kuli yetu. Ngecivene, omu mukemwo twasa kwangula akati ka Munzinzime wa vushunga na munzinzime wa makuli.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:14

Co wakwisile vanu voshe va ano asi mukulinga vizivukiso na vikomokeso vije vamutavesele kulinga ku mesho a uje cikashama wakulivanga. Uje cikashama wamucivali walekele vanu voshe va ano asi kumunga cifwa ca kamponya kusingimika cikashama uje vavulumwine na moko ya mukwale oloni wayoyele lalo.

Kujombolola 20:8

Co akaya nakukwisa miyati ya vanu voshe vaje vanashandokela mu kaye mwoshe, ikeyo Ngonge na Mangonge. Satana akavakungulwila amo nakulwa nzita, vungi vwavo vakapwa ngwe lishen̄avu lya ku ngenge ya mema a kalunga.

Maako 9:23

Asinoni Njambi wakovelesele cizindo akati ka Avimeleke na vanu va ku Shekeme, co vakevo vatengulukilile Avimeleke nakumulwisa.