2 Mizimbu 18:2 - Livulu lya Shukulu Kalunga

² Co omo kuneti myaka imo, Njosefati waile ku nganda ya Samaliya nakukasikamesa Ahave. Mukusingimika Njosefati na vaje vaakele navo, Ahave watsiile vimanga na vingombe vavangi manene nakulinga ciwano. Co wasindiiye Njosefati ngeci valikumbasane amo vakalwise nganda ya Lamote mu Ngilyande.

2 Mizimbu 18:2 Iomraidhean Croise

1 Vimyene 1:9

Litangwa limo Andoniya wakombelele n̄ombelo ya vimanga, na vingombe, na vana va vingombe vakununa a Limanya lya Linyoka, kuyehi na Enelongele. Walanyele vakwavo vana va Mwene Ndaviti, na vamyata va mwene vaje vatundile ku muyati wa Yunda kwija ku ciwano cakukombelela,

1 Vimyene 17:7

Co mu kasimbu kakandondo, muna ndonga uje womine cau, omwo kujeneka nyonzi.

1 Vimyene 4:13

Mbenengemba, ku nganda ya Lamote mu Ngilyande, na membo a mu Ngilyande aje apwile a ku cikota ca Njaile, mutekulu wa Manase, na lifuti lya Alengove mu Mbashane, membo oshe apwile makumi atanu na limo, akele na cimpaka cakukola na mikambo ya vunengu a vikolo.

2 Vimyene 9:1

A simbu ije vene Elisha muka-kwimanena, wasanene mukwenje umo akati ka vaka-kwimanena, wendekele kuli ikeye ngwendi, “Livwaese ngeci uye ku Lamote mu Ngilyande. Ambata eli lilulu lya mazi a olive uye nalyo,

2 Mizimbu 18:3

Co Ahave wehwile Njosefati ngwendi, “Wasa kuya amo nange nakulwisa Lamote ndi?” Co Njosefati wamukumbulwile ngwendi, “Nange nove tunapu munu umo, co lalo mashwalale vange na mashwalale vove vanapu vamolika.”

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

Nehemiya 13:6

Omo evi vyakele nakulingiwa ngacije, kunjakele mu Yelusalema, omwo mu mwaka wamumakumi atatu na ivali omo Aletasheleshe wapwile mwene wa Mbambilone, ukewo mwaka njelukile kutwala vukaleo kuli ikeye. Omo kwetile kasimbu kakandondo lika, co wanjanene lisesa

Kwituluka mu Mashiko 4:43

Nganda ya Mbezele ije yakele mu mambo yakushalama, yapwile yakutewela muyati wa Luvena. Nganda ya Lamote ije yakele mu Ngilyande, yapwile yakutewela muyati wa Ngande. Co nganda ya Ngolane ije yakele mu Mbashane, yapwile yakutewela muyati wa Manase.

Yoshwa 20:8

Co musambwa ya Ndonga ya Yondau mu ngangela ya Yeliko, vaangwile Mbezele yakele mu mutambela wa Luvena, co Lamote mu Ngilyande, yakele mu mutambela wa Ngande, na Ngolane mu Mbashane yakele mu mutambela wa Manase.