2 Mizimbu 18:16 - Livulu lya Shukulu Kalunga

¹⁶ Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo avo mu kwoloka.’ ”

2 Mizimbu 18:16 Iomraidhean Croise

2 Samwele 2:7

Pweni vaka-nzili nakusimpa! Saulu mwene yeni natsi, co vanu va ku Yunda vananjivwavesa mazi kupwa mwene yavo.”

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

1 Vimyene 22:17

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo mu kwoloka.’ ”

2 Vimyene 10:3

anguleni mutekulwila mwana umo wa munalume uje wamuvwa wa kulongwa, mupwiseni mwene, co mulwileni nakumwimanena.”

2 Mizimbu 18:15

Oloni Ahave wamukumbulwile ngwendi, “Omo wendeka kuli yange mu lizina lya Shukulu Kalunga, unapande kwendeka vushunga! Visimbu vingaijo njikakuleka ngacije?”

2 Mizimbu 18:17

Ahave wendekele kuli Njosefati ngwendi, “Njakulekele ngwange munu ou kesi kwambulula vuka-kwimanena vwavuvwa kuvanga lika vwavuvi!”

Ezekiyele 34:8

Mwa vushunga omo njapwa Njambi wakuyoya, mwapandele kutolilila kuli yange. Vimanga vyange vavalwisile ku vikashama va mu shwata vaje vavatsiile nakuvalya, omwo kuvakele na kanyungi. Tunyungi vange kuvashakezekele vimanga. Valinyungile lika vakevo vavenya kutuvakana kunyunga vimanga.

Ezekiyele 35:4

Vinganda vyeni njikaviseza vingundu, lifuti lyeni likapwa vingundu vyangoco. Asinoni mukazivuka ngeci yange njapwa Kalunga.’

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Kulava 27:17

uje asa kuvashika nakuvatwamenena, ngeci mbunga yove kesi vapwe ngwe vimanga vakujeneka kanyungi.”

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Mateo 9:36

Omo wamwene vimbunga vya vanu, wavazivilile mema ku mbunge, omwo vakele nakuyandangela nakujuka, ngwe vimanga kuvesi na kanyungi.

Mako 6:34

Omo Yesu watundile mu vwato, wamwene mbunga yakama, co wavazivilile mema ku mbunge, omwo vapwile ngwe vimanga vakujeneka kanyungi. Ngecivene, washangumukile kuvalongesa vyuma vyavingi.