2 Mizimbu 18:13 - Livulu lya Shukulu Kalunga

¹³ Oloni Mikaya wamukumbulwile ngwendi, “Mu lizina lya Shukulu Kalunga wakuyoya njilikumiiya ngeci njikendeka vene vije vyanjileka Njambi yange!”

2 Mizimbu 18:13 Iomraidhean Croise

1 Vimyene 22:14

Oloni Mikaya wamukumbulwile ngwendi, “Mu lizina lya Shukulu Kalunga njilikumiiya ngeci njikendeka vene evi ikeye anjilekavyo!”

2 Mizimbu 18:12

A simbu ije vene, uje mwata wa mbanja waile nakukasana Mikaya wendekele kuli Mikaya ngwendi, “Vaka-kwimanena voshe vanendeka lijwi limo lyakuvwaelelesa mwene, nove majwi ove alitombole na majwi a vakweni.”

2 Mizimbu 18:14

Omo wetele ku mesho a Mwene Ahave, co mwene wamwihwile ngwendi, “Mikaya, citava ngeci Mwene Njosefati nange tuye tukalwise Lamote indi embwe?” Co Mikaya wamukumbulwile ngwendi, “Eyo, yeni mukalwe! Mwa vushunga mukahyana. Shukulu Kalunga akamyana nzili yakuvafungulula.”

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 42:4

Co njakumbulwile ngwange, “Mwamuvwa manene, njikalombela kuli Shukulu Kalunga Njambi yetu, ngwe mumunalombo, mwoshe mwakendeka, njikamileka, co kunjikamishwekela cuma nacimo cai.”

Ezekiyele 2:7

Ukavaleka vyoshe vinjikuleka ngeci ukavyendeke, nambe vakakutolilila nambe kuvakakutolilila. Anuka ngeci vakevo vapwa vaka-kutengulukila.

Kulava 22:35

Oloni kangelo ka Shukulu Kalunga wendekele kuli ikeye ngwendi, “Ya oni na ava vanu, oloni ya ukendeke lika vije vinjikuleka.” Ngecivene, Mbalame waile amo navo.

Kulava 23:12

Mbalame wamukumbulwile ngwendi, “Kuma! Kunjapandele kwendeka vije anjileka Shukulu Kalunga kwendeka ndi?”

Kulava 23:26

Mbalame wamukumbulwile ngwendi, “Kuma kunjakulekele ngwange, ‘Vyoshe vije vyanjileka Shukulu Kalunga vikevyo vinjinapande kulinga ndi?’ ”

Kulava 24:13

‘Nameme nga Mbalake akanjana njuvo yakushula ya siliva na ngolinde ya mu lipela lyendi, kunjikasa kuvyana kushika kwa Shukulu Kalunga akulilingila cumacimo yange vavenya nambe cacivwa nambe cacivi. Njikendeka lika vije vyakanjileka Shukulu Kalunga kwendeka.’ ”

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

1 Kolinte 11:23

Omwo njatambwile kuli Mwene cilongesa cije cinjamyanene cikeco eci, Mwene Yesu, a vutsiki vuje vene vamwendele vungungu, wanonele likende,

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

1 Tesalonika 2:4

Oloni visimbu vyoshe tulinakwendeka ngwe muje Njambi ashaka ngeci tulinge, omwo natusompela yetu ngeci twafwilamo kwambulula Vin̄anda Vyavivwa. Kutushaka kweseka kuvwaelelesa vanu, oloni kuvwaelelesa Njambi, uje muka-kweseka vimbunge vyetu.