2 Mizimbu 17:6 - Livulu lya Shukulu Kalunga

⁶ Co wakele na nzili mukupangela Shukulu Kalunga ngeci wanyongesele mitambela ije vakele nakulemesela vaka-kujeneka kukulaela, co watundisile mu Yunda vifwa vya Ashela njambi wa munakazi.

2 Mizimbu 17:6 Iomraidhean Croise

1 Vimyene 22:43

Ngwe mwalingile ishe Asa, ikeye walingile vije vyavivwa ku mesho a Shukulu Kalunga, oloni kanyongesele ije mitambela vakele nakulemesela vaje vaka-kujeneka kukulaela, co vanu vatwaleleo kukombelela nakwenyeka insense kuje.

2 Mizimbu 14:2

Co Asa wavwaelelesele Shukulu Kalunga, Njambi yendi, akulinga vyuma vya vushunga na vyuma vyavivwa.

2 Mizimbu 14:3

Watundisile mitula yakulemesela vinjambi veka na mitambela ije vakele nakulemesela vaka-kujeneka kukulaela, co watavozwele vinjambi vakwola a vimanda vyakujela vya mamanya, co wasiwile lalo vifwa vya Ashela njambi wa munakazi.

2 Mizimbu 15:17

Nameme Asa kasele kunyongesa mitambela ije vakele nakulemesa vaka-kujeneka kukulaela mu lifuti, oloni ikeye wakulaelele Shukulu Kalunga simbu yoshe yakuyoya kwendi.

2 Mizimbu 19:3

Oloni nameme ngoco, vyavivwa vimo vavimwene muli yove. Omwo watundisile vifwa vyoshe vya Ashela njambi wa munakazi vije vivalemesele vanu, co uneseka kukava cizango ca Njambi.”

2 Mizimbu 20:33

oloni kanyongesele ije mitambela vakele nakulemesela vaka-kujeneka kukulaela. Co vanu kuvatengulukile na vimbunge vyavo vyoshe nakulemesa Njambi ya vakukulwila vavo.

2 Mizimbu 31:1

Omo vamanesele ciwano, vanu voshe va Isalele vaile ku nganda na nganda ya mu Yunda nakushimbula vimanda vya mamanya, vavatozwele vifwa vya Ashela njambi wa munakazi, co vasiwile mitula na mitambela ije vakele nakulemesela vaka-kujeneka kukulaela. Co valingile cuma eci mu mitambela yoshe ya mu Yunda, na mu mafuti a Mbenjemani na Efalime na Manase, asinoni voshe velukile ku membo avo.

Yombi 22:26

Co simbu yoshe ukapwa u muka-kukulaela kuli Njambi, co ukawana ngeci ikeye napu nsina yakujolela kwove.

Myaso 119:1

Vanavezika vanu vaje vayoya mu vushunga, vanu vaje vononoka lishiko lya Shukulu Kalunga.

Myaso 138:5

Vakevo vakaimba lalo a vije viwunalingi, na a vukama vwa vumpau vwove.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Vilinga vya Miluwa 13:10

co wendekele ngwendi, “Yove muna Liyavola! Yove unapu citozi ca vyuma vyoshe vyavivwa. Muli yove munashulu miyati yoshe ya linyanyamena, co yove simbu yoshe ulinakweseka kutengulula vushunga vwa Mwene kuvupwisa makuli!

Kwituluka mu Mashiko 28:47

Shukulu Kalunga wamivezikisile mu vingila vyoshe, oloni kumwamupangelele nakuvwaelela na vimbunge vyakujolela.