2 Mizimbu 16:9 - Livulu lya Shukulu Kalunga

⁹ Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

2 Mizimbu 16:9 Iomraidhean Croise

Kushangumuka 31:28

Oloni yove kuwanjitavesele ngeci njilisalese na vatekulyange va vanalume na ava va vanakazi amo na vana vange. Unalingi cuma cavulema!

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

1 Vimyene 15:32

Mwene Asa wa mu Yunda na Mwene Mbasha wa mu Isalele vakele nakulilwisa umo na mukwavo simbu yoshe yakushwana kwavo.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

1 Mizimbu 21:8

Co Ndaviti wendekele kuli Njambi ngwendi, “Njinavulumuna manene akulinga cuma eci! Shukulu njisambese. Njinalingi mwa vulema.”

2 Mizimbu 15:17

Nameme Asa kasele kunyongesa mitambela ije vakele nakulemesa vaka-kujeneka kukulaela mu lifuti, oloni ikeye wakulaelele Shukulu Kalunga simbu yoshe yakuyoya kwendi.

2 Mizimbu 15:19

Kukwakele lalo nzita noo mu mwaka wamumakumi atatu na itanu yakushwana kwendi.

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

2 Mizimbu 19:9

Co wavashikile ngwendi, “Munapande kupanga vipangi vyeni nakusingimika Shukulu Kalunga, nakumwononoka mu vyuma vyoshe vimulinga.

2 Mizimbu 6:20

Nyunga eyi Njuvo mutanya na vutsiki. Yove wakulaesele ngeci, ou ukewo mwela uunaangula wakukulemesela, ngecivene, njizive omo njikenga ku Njuvo eyi nakulombela.

Ezela 5:5

Oloni mesho a Njambi yavo akele ali vantwama va vaYunda, co vamyata va vaPelesha kuvavavindikile noo vasonekelele mukanda kuli Mwene Ndalyuse, co wavakumbulwile.

Yombi 28:24

Omwo ikeye muka-kumona ahwila kaye, akamono vyuma vyoshe vili mwisi ya lilu.

Yombi 31:4

Njambi azivuka vyuma vyoshe vinjikalingi, co akalava manambo ange oshe.

Yombi 34:21

Mesho endi alinakukenga mu vingila vya vanu.

Myaso 113:6

oloni ikeye amona vije vili mwilu nevi vili ano asi.

Myaso 33:14

Shukulu Kalunga natumbama a litanda lyendi oku nakenge asi ali voshe vaje vakalao.

Myaso 33:15

Ikeye amanga viyongola vyavo vyoshe, nakuzivuka vyoshe vije vivalinga.

Myaso 33:18

Shukulu Kalunga akenga ali vaje vamukomoka, na ali vaje vakulaela a cizemo cendi cije kucesi kutenguluka,

Myaso 34:15

Shukulu Kalunga akenga ali vaka-vushunga, co aziva mutambi wavo,

Myaso 37:37

Kenga ali muka- mulonga, na ali muka-vushunga, munu wa kwoloka wakala na vatekulwila vavangi,

Visimo 15:3

Mesho a Shukulu Kalunga ali kwoshe-ikwoshe. Ikeye alinakukenga ali vaka-vuvi, na ali vaka-vushunga.

Visimo 5:21

Shukulu Kalunga amona vyuma vyoshe vije viwulinga. Kwoshe kuje kuuya, alinakukumona.

Isaya 31:1

Ngongo yavo vaje vaya ku Ingito mukuvakwasa! Vaje vanakulaela a tuvalu, na matemba amangi na mashwalale. Oloni kuvakulaelele kuli Shukulu Kalunga, Njambi wakujela wa Isalele, nambe kumulomba ngeci avakwase.

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Njelemiya 5:1

Vanu va mu Yelusalema, itanganeni mu vitapalo vyeni! Kengezekeni noku-noku! Shakezekeni mu mitambela yakulandesela! Kengeni nga muwanamo munu umo muka-kulinga vya vushunga na kulongwa kuli Njambi. Nga mumuwana, co Shukulu Kalunga akasambesa Yelusalema.

Njelemiya 5:21

‘Tolilileni yeni vanu vakujeneka mana, muli na mesho, oloni kumona kwai, co muli na matwi, oloni kuziva kwai.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Mateo 5:22

Oloni yange njimileka ngwange, woshe aluvala na mukwavo vakamusompesa, co woshe uje atumbula mukwavo ngwendi, ‘Yove u cikolokomba,’ vakamutwala ku munga ya vakulunu mukumusompesa, co woshe atumbula lalo mukwavo ngwendi, ‘Yove u cilema,’ ali mu vushonde vwakuya ku mbulu ya tuhya.

Luka 12:20

Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

1 Kolinte 15:36

Yove cilema! Omo ukakunu mbuto yove mu livu kuyesi kutuuka nonge yayo ya mwonyo kuvanga noo inatsi.

Ngalatiya 3:1

Eni vilema vaka-Ngalatiya! Iya namikasumuna? Mwalimwenenene mwamuvwa na mesho eni mukwalumbunukilile kutsa kwa Yesu Kilistu a cilindakano!

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

1 Petulu 3:12

Omwo Mwene akakenge ali vaka-vushunga, co akazivi malombelo avo, oloni akayeluwisa vaje vaka-kulinga vuvi.”

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.