2 Mizimbu 16:7 - Livulu lya Shukulu Kalunga

⁷ A simbu ije vene Hanani muka-kwimanena waile kuli Mwene Asa wamulekele ngwendi, “Omwo wakulaelele kuli mwene wa Silya, kutuvakana kukulaela kuli Shukulu Kalunga Njambi yove, mukemwo nzita ya mwene wa ku Silya vanatewa.

2 Mizimbu 16:7 Iomraidhean Croise

1 Vimyene 15:19

“Tulinge vusamba, ngwe muvalingile vatatetu. Eyi siliva na ngolinde vinapu vwana vwove. Co ololo ecela vusamba vwove na Mwene Mbasha wa mu Isalele, ngeci atundise mashwalale vendi mu lifuti lyange.”

1 Vimyene 16:1

Shukulu Kalunga watumine Yehu muka-kwimanena muna Hanani, kuleka Mbasha ngwendi,

1 Vimyene 16:7

Lijwi lya Shukulu Kalunga ali Mbasha na naanga yendi lyezile ali Yehu muka-kwimanena omwo a vuvi vwalingile ku mesho a Shukulu Kalunga. Mbasha washangumwine vukalu vwa Shukulu Kalunga kesi lika omwo a vuvi vuje vwalingile, ngwe vwalingile Mwene Yelovowame akulivanga embwe, oloni omwo watsiile lalo naanga ya Yelovowame yoshe.

2 Vimyene 18:5

Hezekiya wakulaelele kuli Shukulu Kalunga, Njambi ya Isalele, co mu Yunda kumwakele lalo mwene wakufwa ngwe ikeye, nambe kunima nambe kulutwe.

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

2 Mizimbu 13:18

Ngecivene, vaYunda vahyanene vaIsalele, omwo vakulaelele kuli Shukulu Kalunga Njambi ya vakukulwila vavo.

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 16:6

Asinoni Mwene Asa wakungulwile vanalume va mu Yunda mwoshe wavalekele ngeci vatute mamanya na mavaya aje alikwasesele Mbasha ku Lama, co vawapangesele kutunga vimpaka vya vinganda vya Ngemba na Mizipa.

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

2 Mizimbu 20:32

Ngwe mwalingile ishe Asa, ikeye walingile vije vyavivwa ku mesho a Shukulu Kalunga,

2 Mizimbu 20:34

Vyuma vyoshe vije vyalingile Njosefati, kutunda kukushangumukila kutwala ku shongo yakushwana kwendi, vavisoneka mu Livulu lya Mizimbu lya Yehu muna Hanani, lije lyapwa litambelo lya Livulu lya Mizimbu ya Vimyene va mu Isalele.

2 Mizimbu 24:24

Mashwalale va Silya vapwile vavandondo manene, oloni Shukulu Kalunga watavele ngeci vafungulule mashwalale vavangi va vaYunda omwo vanu vavyanene Shukulu Kalunga Njambi ya vakukulwila vavo. Mu ngila eyi mukemwo muvahisilile Mwene Yowashe.

Isaya 31:1

Ngongo yavo vaje vaya ku Ingito mukuvakwasa! Vaje vanakulaela a tuvalu, na matemba amangi na mashwalale. Oloni kuvakulaelele kuli Shukulu Kalunga, Njambi wakujela wa Isalele, nambe kumulomba ngeci avakwase.

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 39:3

Asinoni Isaya muka-kwimanena waile kuli Mwene Hezekiya, wamwihwile ngwendi, “Vanu ava vanatundu kulijo? Vikajo vanendeka kuli yove?” Hezekiya wamukumbulwile ngwendi, “Vanatundu ku lifuti lya kulyala, ku Mbambilone.”