2 Mizimbu 16:2 - Livulu lya Shukulu Kalunga

² Ngecivene, Asa wambatele siliva na ngolinde vije vyakele mu Njuvo ya Shukulu Kalunga na mu lipela, co wavitumine ku Ndamasiku, kuli Mwene Mbenehandande wa ku Silya, wendekele ngwendi,

2 Mizimbu 16:2 Iomraidhean Croise

1 Vimyene 15:18

Ngecivene, Mwene Asa wambatele siliva yoshe na ngolinde vije vyasalele mu Njuvo ya Shukulu Kalunga na mu lipela, co wavitumine na vamo vamyata vendi ku Ndamasiku, kuli Mwene Mbenehandande wa ku Silya, muna Tambelimone na mutekulu wa Heziyone, na majwi awa ngwendi,

2 Vimyene 12:18

Mwene Yowashe wa mu Yunda wambatele vyuma vyoshe vije Njosefati na Njeholame na Ahaziya vanu vaje vaingile, vavikundikile kuli Shukulu Kalunga, kuwezelelako na vyuma vyendi vavenya, na ngolinde yoshe ije yakele mu mbango ya Njuvo ya Shukulu Kalunga na mu lipela, co wavitumine vyoshe kupwa vwana kuli Mwene Hazayele, co ikeye watundisile mashwalale vendi mu Yelusalema.

2 Vimyene 16:8

Ahaze wambatele siliva na ngolinde ya mu Njuvo ya Shukulu Kalunga na vufuko vwa mu lipela, co wavitumine kupwa vwana kuli mwene wa Silya.

2 Vimyene 18:15

Ngecivene, Hezekiya wamutuminine siliva yoshe ya mu Njuvo ya Shukulu Kalunga na vufuko vwa mu lipela,

2 Mizimbu 16:1

Mu mwaka wamumakumi atatu na itanu na umo wakushwana kwa Mwene Asa wa mu Yunda, Mwene Mbasha wa mu Isalele walwisile Yunda, co watungile cimpaka cakuzengeleka Lama, ngeci munu kesi atuuke nambe kukovela mu Yunda.

2 Mizimbu 16:3

“Tulikwate vusamba, ngwe muvalingile vatatetu. Eyi siliva na ngolinde vinapu vwana vwove. Co ololo ecela vusamba vwove na Mwene Mbasha wa mu Isalele, ngeci atundise mashwalale vendi mu lifuti lyange.”

2 Mizimbu 28:21

Ngecivene, Ahaze wanonele ngolinde ya mu Njuvo ya Shukulu Kalunga, neyi ya mu lipela, neyi ya mu membo a vantwama va vanu, co wayanene kuli mwene wa Asilya, nameme walingile ngeci, oloni kucamukwasele embwe.

Njelemiya 49:23

Evi vikevyo vyendekele Shukulu Kalunga a Ndamasiku ngwendi, “Vanu va mu vinganda vya Hamate, na vanu va mu Alepande valinakulishoshomwena, omwo vanazivi muzimbu wauvi. Kulishoshomwena kulinakulizenga ali vakevo ngwe mema a kalunga aje kuwasa kulendemana, cinyangavili cavo cinahu.