2 Mizimbu 16:14 - Livulu lya Shukulu Kalunga

¹⁴ co vamutsindile mu mbumbo ya limanya ije yalicokwelele ikeye vavenya mu Nganda ya Ndaviti. Vavwaesele muvila wendi na n̄undu na mazi akunika lwengo lwaluvwa akumutsinda, co vakele mu myala nakumulila.

2 Mizimbu 16:14 Iomraidhean Croise

Kushangumuka 50:2

Asinoni Yosefa washikile vimbanda vendi ngeci vomise muvila wa ishe, co vimbanda valingile ngacije.

Kushangumuka 50:5

‘Omo tate wakele kuyehi na kutsa, wanjishikile ngwendi njimukulaese ngeci njikamutsinde muje mu mbumbo ije yavwaeselele cimweja mu lifuti lya Kanana. Co mwane, njitave njikatsinde tate, asinoni njikeluka.’ ”

2 Samwele 2:32

Co Yowave na vanu vendi vambatele muvila wa Ashahele vautsindile mu mbumbo ya naanga yendi ku Mbetelehema. Co Yowave na vanu vendi vendele vutsiki vwoshe, vetele ku Hevelone muje njwa.

2 Mizimbu 16:13

Omo kwetile lika myaka ivali, watsile,

2 Mizimbu 21:19

Omo kwetile myaka ivali, mushongo wakulile manene, co akukotoka mwene watsile mu tuyando twakama. Vanu vendi kuvakele mu myala ngwe muvalingile ali vakukulwila vendi.

2 Mizimbu 32:33

Hezekiya watsile, co vamutsindile mu Yelusalema ku lilundu lya ku vimbumbo vya vumwene. Vanu voshe va mu Yunda na mu Yelusalema vasingimikile manene kutsa kwendi. Co munendi Manase wamushwanene kupwa mwene.

2 Mizimbu 35:24

Co vangamba vendi vamutundisile mu litemba lyendi, vamwakele mu litemba lyamucivali lyakele nalyo kuje, co vamutwalele ku Yelusalema. Wakatsililile kuje vene, co vamutsindile mu vimbumbo vya vumwene. Co vanu voshe va mu Yunda na mu Yelusalema vamulilile.

Muka-kwambulula 10:1

Vinzinzi vakutsila mu lilulu lya mazi akuvwava akunika lwengo lwaluvwa vakalingisa aje mazi kunika mwamuvi, co na vulema vwavundondo vwasa kuviisa mana na kasingimiko.

Isaya 22:16

“Yove wayongola ngwove yove iyajo? Uli na moko mukajo yakulicokwela mbumbo kumukulo wa lilundu lya mamanya?

Njelemiya 34:5

Oloni ukatsa mu kwoloka, ngwe omo vanu venyekele insense omo vatsindile vakukulwila vove, vaje vapwile vimyene vakulivanga, mu ngila ije vene nove vakakwenyekela insense. Co vakalila nakwendeka ngwavo, ‘Tawee, mwene yetu natsi!’ Yange Kalunga, njinendekamo.”

Mako 16:1

Omo Litangwa Lyakuhwima lineti, Maliya Mandalena, na Maliya vaina ya Yakomba, na Salome valandele n̄undu ngeci vaye nakukavwavesa muvila wa Yesu.

1 Samwele 31:12

co vanalume vakusimpa vakalukile nakuya, vendele vutsiki vwoshe nakweta ku Mbete Shane. Co vatundisile muvila wa Saulu, na mivila ya vana vendi a civumbe, co vanenele vivimbi vyavo ku Njambeshe, vavicavelelele kuje.