2 Mizimbu 15:9 - Livulu lya Shukulu Kalunga

⁹ Vanu vavangi va mu vumwene vwendi, vakutunda ku Efalime na Manase na Simyoni vakele nakwija kuli Asa omwo vamwene ngeci Shukulu Kalunga wakele amo nendi. Co Asa wavakungulwile voshe amolika na vanu va ku Yunda na ava va ku Mbenjemani.

2 Mizimbu 15:9 Iomraidhean Croise

Kushangumuka 26:28

Co vakevo vamukumbulwile ngwavo, “Ololo tunazivuka ngwetu Shukulu Kalunga ali amo nove, twayongola ngwetu mwamuvwa kukale lizivasano lyakukola akati ketu. Co tulikumiiye

Kushangumuka 39:3

Co shukulu yendi wamwene ngeci Shukulu Kalunga ali amo na Yosefa, lalo Shukulu Kalunga namuvezikisa mu vyuma vyoshe vije vyalingile.

1 Vimyene 12:19

Kutunda a simbu ije vene vanu va ku vumwene vwa ku kunto ya Isalele vatengulukilile vumwene vwa Ndaviti.

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

1 Mizimbu 12:19

Mashwalale vamo va ku muyati wa Manase vakele kumo na Ndaviti omo waile amo na vaFilisitiya mukulwisa Mwene Saulu. Oloni kakwasele vaFilisitiya embwe, omwo vimyene vavo vakele na lyova ngeci amo akavenda vungungu kuli shukulu yendi walaja Saulu, ngecivene, vamwilwisile ku Zikelange.

2 Mizimbu 11:16

Co miyati yoshe ya vanu va Isalele, vaje vashakele kulemesa mwamuvwa Shukulu Kalunga Njambi ya Isalele, vakavele vaLevi ku Yelusalema, ngeci vakakombelele vin̄ombelo kuli Shukulu Kalunga Njambi ya vakukulwila vavo.

2 Mizimbu 15:10

Vakungulukilile mu Yelusalema ku ngonde yamucitatu mu mwaka wamulikumi na itanu omo Mwene Asa washwanene.

2 Mizimbu 19:4

Mwene Njosefati wakele mu Yelusalema, visimbu vyavingi wendanganene mukati ka vanu, kutunda ku Mbeleshemba mu mbwela kweta na ku shongo ya lifuti lya malundu lya Efalime ku kunto, ngeci elwise vanu kuli Shukulu Kalunga, Njambi ya vakukulwila vavo.

2 Mizimbu 30:25

Ngecivene, mbunga yoshe ya vanu va mu Yunda na vaka-kukombelela na vaLevi na vanu vaje vatundile ku kunto, na vaka-kwija vaje vatungile mu Isalele na mu Yunda vavwaelelele.

Ezekiyele 37:16

“Muna munu, nona citi, co sonekao ngwove, ‘Vumwene vwa Yunda.’ Co nona citi cikwavo, co sonekao ngwove, ‘Vumwene vwa Isalele.’

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

1 Samwele 18:28

Co Saulu wamwene mwamuvwa ngeci Shukulu Kalunga ali amo na Ndaviti, co lalo munendi Mikale wazemene manene Ndaviti.