2 Mizimbu 15:6 - Livulu lya Shukulu Kalunga

⁶ Muyati umo wakele nakuyandesa muyati ukwavo, co nganda imo yakele nakuyandesa nganda ikwavo, omwo Njambi wakele nakunena tuyando na lyova ali vakevo.

2 Mizimbu 15:6 Iomraidhean Croise

2 Mizimbu 12:15

Vilinga vya Lehovowame kutunda kukushangumuka kweta nakukukotoka, na muzimbu wa naanga yendi vavisoneka mu Livulu lya Mizimbu lya Shemaya Muka-kwimanena na mu Livulu lya Mizimbu lya Indo Muka-kwimanena. Lehovowame na Yelovowame vakele nakulwa nzita simbu yoshe.

2 Mizimbu 13:17

Co Aviya na mbunga ya mashwalale vendi vatsiile manene vaIsalele, litambelo lya mashwalale va vaIsalele vakulwa mwamuvwa vapwile 500,000 vatsiile aje vene.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Myaso 106:41

Co wavakundikile ku mavoko a vanu vaje vaka-kujeneka kukulaela, ngeci vitozi vavo vavashwanene.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 19:2

Shukulu Kalunga endeka ngwendi, “Njikashangumuna nzita mu Ingito, co vakalitengulukile nakulilwisa ndolome na ndolome, mundambo na mundambo. Nganda na nganda ikalilwisa imo na ikwavo, co vumwene vukalilwisa na vukwavo.

Njelemiya 25:32

Shukulu Kalunga Muka-nzili yoshe alinakwendeka ngwendi tuyando twakama tulinakwija ku muyati umo wa vanu na ku muyati ukwavo wa vanu, co lihunzi lyakama lilinakulikungulwila ku shongo ya kaye kwoshe.

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Hangai 2:22

nakutundisa vumwene nakushika kwavwo. Njikafulumika matemba na vaka-kuwendesa, tuvalu vakatsa, co vaka-kulondao vakalitsiya umo na mukwavo.

Mateo 24:7

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala njala ya lyangengela, na mandunduma ku mitambela yakuliseza-seza.

Mako 13:8

Omwo lifuti limo likalwa nzita na lifuti likwavo, co vumwene vukalwisa vumwene vukwavo. Kukakala mandunduma ku mitambela yakuliseza-seza na njala ya lyangengela. Evi vinapu ngwe kushangumuka kwa mushongo wakukita mwana.

Maako 2:14

Ngecivene, Shukulu Kalunga waluvalele manene na vaIsalele, co wavakundikile ku mavoko a vezi vaje vevile vyavo. Co Shukulu Kalunga wavakundikile ku vitozi vavo vaje vavazengelekele, ngeci kuvasele lalo kwimana ku mesho a vitozi vavo.