2 Mizimbu 15:3 - Livulu lya Shukulu Kalunga

³ VaIsalele vakele simbu yakama vajenekele Njambi wa vushunga, vajenekele vaka-kukombelela ngeci vavalongese, lalo vajenekele lishiko.

2 Mizimbu 15:3 Iomraidhean Croise

2 Mizimbu 17:7

Mu mwaka wamucitatu wakushwana kwendi, Njosefati watumine vamyata vaje vaile nakulongesa mu vinganda vya mu Yunda vapwile, Mbenehaile, na Ovandiya, na Zekaliya, na Netanela, na Mikaya.

Nehemiya 8:9

Omo vanu vazivile vije vyakele mu Mashiko, vimbunge vyavo vyavetwele, co vashangumukile kulila. Ngecivene, Nehemiya, uje wapwile nguvulu, na Ezela muka-kukombelela na muka-kulilongesa Mashiko, na vaLevi vaje vanungulwile Mashiko valekele vanu voshe ngwavo, “Litangwa lino linapu lyakujela kuli Shukulu Kalunga Njambi yeni, ngecivene, kumwapandele kukala na vusiwa nambe kulila.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Mbimbi 2:9

Vikolo vinanyongo mu livu, mikambo yavyo yoshe inatsenozoka. Mwene na vanu va vulemu ololo vali mu vunzinda. Ololo naumo wai lalo alongesa mashiko, co vaka-kwimanena kuvesi na vimona lalo vyakutunda kuli Shukulu Kalunga.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

VaLevi 10:11

Co munapande kulongesa vanu va Isalele mashiko oshe awa njinamyanawo ali Mosesa.”

VaLevi 10:8

Co Shukulu Kalunga wendekele kuli Alone ngwendi,

Amose 8:11

“Simbu ikaija omo njikatuma njala ya lyangengela mu lifuti. Vanu vakakala na njala, oloni kesi njala ya vyakulya, vakaziva lihwila, oloni kesi lihwila lya mema. Vakakala na njala na lihwila vya lijwi lya Shukulu Kalunga. Yange Kalunga wa Akamwa ya Vyoshe, njinendekamo.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Loma 2:12

Vaje kesi vaYunda kuvesi na Lishiko lya Mosesa, valinga vuvi, co vazimbala akujeneka Lishiko. VaYunda vali na Lishiko, valinga vuvi, co vavahisa na Lishiko.

1 Kolinte 9:21

Mu ngila eyi vene, omo njipanga na vaje kesi vaYunda, njiyoya ngwe uje kesi kaYunda anja ya Lishiko lya vaYunda ngeci njikoke vaje kesi vaYunda. Eci kucalumbunukile ngeci kunjapandele kwononoka lishiko lya Njambi embwe, oloni, mwa vushunga vene, yange njili mwisi ya lishiko lya Kilistu.

Kwituluka mu Mashiko 33:10

Vakevo vakalongesa vanu vove, kwononoka mashiko ove, vakakombelela vin̄ombelo a mutula wove.

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.