2 Mizimbu 15:2 - Livulu lya Shukulu Kalunga

² co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 15:2 Iomraidhean Croise

1 Vimyene 11:25

Ikeye wapwile citozi ca Isalele simbu yoshe yakuyoya kwa Solomoni.

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

2 Vimyene 21:14

Njikakengesa nima vanu vaje vakasalao vacili nakuyoya, co vitozi vavo vakavafungulula nakupukula lifuti lyavo.

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 11:12

na vintelo na makunga. Co mu ngila eyi Yunda na Mbenjemani vyapwile vyendi.

2 Mizimbu 12:5

Co Shemaya muka-kwimanena waile kuli Mwene Lehovowame na kuli vantwama va vaYunda vaje vakungulukilile mu Yelusalema kutewa nzita ya Shishake, wendekele kuli vakevo ngwendi, “Shukulu Kalunga nendeka ngwendi, ‘Munanjikengesa nima, mukemwo njinamikundika mu mavoko a Shishake.’ ”

2 Mizimbu 13:12

Co kengeni, Njambi vavenya ikeye wapwa ntwama yetu, na vaka-kukombelela vendi tuli navo vakevo vali na malupembo avo akwimba kashashutwiya nakutuleka ngeci tulwe neni. Yeni vanu va Isalele kesi mulwise Shukulu Kalunga Njambi ya vakukulwila veni! Kumukahyana embwe!”

2 Mizimbu 13:4

Co mbunga ya mashwalale valiwanenene mu lifuti lya malundu lya Efalime. Mwene Aviya wemanene a Munkinda wa Zemalaime, co wendekele kuli Yelovowame na vaIsalele ngwendi, “Njitolilileni!

2 Mizimbu 15:15

Vanu voshe va mu Yunda vajolelele omwo valikumiiye cikumiiyo eci na vimbunge vyavo vyoshe. Vavwaelelele akulemesa Shukulu Kalunga, co Shukulu Kalunga wavatambwile, co vakele mu kwoloka ku mitambela yoshe.

2 Mizimbu 15:4

Oloni omo vukalu vwezile, co vatengulukilile kuli Shukulu Kalunga, Njambi ya Isalele. Vamushakezekele, co vamuwanene.

2 Mizimbu 20:15

Co Njazele wendekele ngwendi, “Yove shukulu Mwene Njosefati na vanu voshe va mu Yunda neni vanu va mu Yelusalema tolilileni, Shukulu Kalunga nendeka kuli yeni ngwendi kesi muzeye nambe kesi muzive lyova omo mbunga ya mashwalale eyi yakama embwe. Nzita eyi kesi yeni embwe, oloni inapu ya Njambi.

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

2 Mizimbu 24:20

Co Munzinzime wa Njambi wakovelele muli Zekaliya muna Yehoyanda muka-kukombelela. Wemanene akamwa ku mesho a vanu voshe nakuvaleka ngwendi, “Shukulu Kalunga Njambi nehula ngwendi omwo vika kumwononokela mashiko endi, co munalikokela n̄avava yeni vavenya? Yeni munamuseza, ngeci nendi lalo namiseza!”

2 Mizimbu 26:5

Uziya wapangelele Shukulu Kalunga na kulongwa a matangwa ayoyele Zekaliya uje wamulongesele vya vuNjambi, co Njambi wamuvezikisile.

2 Mizimbu 32:8

Ikeye ali na nzili ya vunu, oloni yetu tuli na Shukulu Kalunga Njambi yetu ikeye atukwasa kulwa nzita yetu.” Co vanu vakanyamene omwo majwi endekele mwene yavo.

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

2 Mizimbu 33:12

Co omo wakele nakuyanda, walambelelele Shukulu Kalunga Njambi yendi, co walikeesele ku mesho a Shukulu Kalunga Njambi ya vakukulwila vendi ngeci amukwase.

2 Mizimbu 34:3

Mu mwaka wamucitanu na itatu wakushwana kwa Yosiya, omo wapwile mukwenje, washangumukile kulemesa Njambi ya kukulwila yendi Mwene Ndaviti. Co omo kwetile myaka iwana, washangumukile kusiwula mitambela vakele nakulemesela vaka-kujeneka kukulaela, na vifwa vya Ashela njambi wa munakazi, na tumponya tukwavo twoshe.

Ezela 8:22

Njakele na shwamwa yakulomba kuli mwene mbunga ya mashwalale ngeci vatunyunge ku vitozi mu vungenzi vwetu, omwo njamulekele ngwange Njambi yetu avezikisa munu woshe uje amukulaela, oloni akaluvala nakuhisa munu woshe uje amukengesa nima.

Myaso 34:4

Njalombelele kuli Shukulu Kalunga, co wanjikumbulwile, ikeye wanjipatwile ku lyova lyange lyoshe.

Myaso 53:2

Njambi ali mwilu akenga ali vanu ano asi, ngeci amone nga kuli umo uje ali na mana, nambe nga kuli umo amulemesa.

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Isaya 51:1

Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Isaya 7:13

Isaya wamukumbulwile ngwendi, “Tolilileni yeni vatekulwila va Mwene Ndaviti. Mwamuvi manene kupesa vanu, kuma mushaka lalo kupesa Njambi ndi?

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Amose 5:14

Ngecivene, shakezekeni vije vya vushunga, kesi vije vyavivi, ngeci muyoye. Asinoni Shukulu Kalunga Njambi Muka-nzili yoshe akakala amo neni, ngwe mumukendeka.

Zakaliya 1:3

oloni njendeka kuli yeni ngwange, ‘Ilukeni kuli yange, co nange lalo njikeluka kuli yeni.

Kulava 14:42

Kesi muyeko omwo Shukulu Kalunga kesi neni, vitozi veni vakamifungulula.

Kulava 14:43

Omwo kulutwe lweni kuli vaAmaleke, na vaKanana, mukatsila mu nzita. Omwo mwavyana kukavangeya Shukulu Kalunga, co kakakala neni embwe.”

Mateo 13:9

Co Yesu wamanesele kwendeka ngwendi, “Uje woshe ali na matwi, azive!”

Kwituluka mu Mashiko 20:1

“Omo mukaya ku nzita nakulwa na vitozi veni, mukamona, matemba avo, na tuvalu twavo, na nzita yakama kutuvakana yeni, oloni kesi mukavazivile lyova embwe, omwo Shukulu Kalunga Njambi yeni uje wamitundisile mu Ingito, ali amo neni.

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.

Kwituluka mu Mashiko 4:29

Co kuje mukashakezeka Shukulu Kalunga Njambi yeni, co nga mukamushakezeka na vimbunge vyeni vyoshe, na mwonyo weni woshe, co mukamuwana.

VaHevelu 10:38

Oloni vanu vange vaka-vushunga vakakulaela, co vakayoya, oloni nga umo wavo eluka munima, co kunjikavwaelela nendi.”

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!

Yoshwa 22:31

Co Finehase, muna Elyazale muka-kukombelela, wendekele kuli vakevo ngwendi, “Litangwa lya lelo tunazivuka ngeci kuma Shukulu Kalunga ali amo netu. Omwo kumwamutengulukilile embwe, ngecivene, munamena vanu va Isalele ku cihiso ca Shukulu Kalunga.”

Yoshwa 24:20

nga museza Shukulu Kalunga nakupangela vinjambi veka, co ikeye akamitengulukila nakumihisa. Co akaminyongesa, nameme ikeye wapwile wamuvwa kuli yeni akulivanga.”

Kujombolola 2:11

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, kutsa kwamucivali kucikavavulumuna.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

Kujombolola 2:29

“Nga uli na matwi, tolilila vije vyalinakwendeka Munzinzime ku vikungulukilo!

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.

Kujombolola 3:13

“Nga uli na matwi, tolilila vije vyalinakwendeka Munzinzime ku vikungulukilo!

Kujombolola 3:22

“Nga uli na matwi, tolilila vije vyalinakwendeka Munzinzime ku vikungulukilo!”

Kujombolola 3:6

“Nga uli na matwi, tolilila vije vyalinakwendeka Munzinzime ku vikungulukilo!

Maako 10:13

Oloni munanjiseza nakulemesa vinjambi veka, ngecivene, kunjikamyamena lalo embwe.

Maako 9:7

Omo Yotame wazivileko, co walamatele akamwa ya Munkinda wa Ngelizime, co watambekele manene kuli vakevo ngwendi, “Njitolilileni, yeni vanalume va ku Shekeme, ngeci Njambi atolilile lalo kuli yeni!

1 Samwele 12:14

Nga mukasingimika Shukulu Kalunga, nakumupangela, nakutolilila ku majwi endi, nakwononoka mashiko endi, co nga yeni, na mwene yeni uje amishwana mukakava Shukulu Kalunga Njambi yeni, co mwamuvwa.

1 Samwele 12:15

Oloni nga kumutolilila ku majwi a Shukulu Kalunga, co kumwononoka mashiko endi, akamilwisa yeni na mwene yeni.