2 Mizimbu 15:17 - Livulu lya Shukulu Kalunga

¹⁷ Nameme Asa kasele kunyongesa mitambela ije vakele nakulemesa vaka-kujeneka kukulaela mu lifuti, oloni ikeye wakulaelele Shukulu Kalunga simbu yoshe yakuyoya kwendi.

2 Mizimbu 15:17 Iomraidhean Croise

1 Vimyene 11:4

omo Solomoni wakuluvalele, vanakazi vendi vatangwile mbunge yendi mukukava vinjambi veka nakuvalemesa. Kapwile lalo wa kulongwa kuli Shukulu Kalunga Njambi yendi, ngwe mwalingile ishe Ndaviti.

1 Vimyene 22:43

Ngwe mwalingile ishe Asa, ikeye walingile vije vyavivwa ku mesho a Shukulu Kalunga, oloni kanyongesele ije mitambela vakele nakulemesela vaje vaka-kujeneka kukulaela, co vanu vatwaleleo kukombelela nakwenyeka insense kuje.

2 Vimyene 12:3

Nameme ngoco, ije mitambela vakele nakulemesela vaje vaka-kujeneka kukulaela kuvainyongesele, co vanu vakele nakukombelelako vin̄ombelo nakwenyekelako insense.

2 Vimyene 14:4

Katundisile ije mitambela vakele nakulemesela vaje vaka-kujeneka kukulaela, co vanu vakele nakukombelelako vin̄ombelo nakwenyekelako insense.

2 Mizimbu 15:16

Mwene Asa watundisile kuku yendi Maka a litanda lyendi lya vamwene, omwo wapangele kamponya kakavi ka Ashela njambi wa munakazi. Asa washinjile kaje kamponya, wakatetangele, co wenyekelele vimbazuvwila vyako mu Cana ca Kindelone.

2 Mizimbu 15:18

Co waakele mu Njuvo ya Shukulu Kalunga vyuma vyoshe vije vyakundikile ishe Aviya kuli Njambi, na vyuma lalo vya ngolinde na siliva vije vyakundikile ikeye vavenya.

2 Mizimbu 17:6

Co wakele na nzili mukupangela Shukulu Kalunga ngeci wanyongesele mitambela ije vakele nakulemesela vaka-kujeneka kukulaela, co watundisile mu Yunda vifwa vya Ashela njambi wa munakazi.

2 Mizimbu 20:32

Ngwe mwalingile ishe Asa, ikeye walingile vije vyavivwa ku mesho a Shukulu Kalunga,

2 Mizimbu 20:33

oloni kanyongesele ije mitambela vakele nakulemesela vaka-kujeneka kukulaela. Co vanu kuvatengulukile na vimbunge vyavo vyoshe nakulemesa Njambi ya vakukulwila vavo.

2 Mizimbu 28:4

Oloni mitambela ije vakele nakulemesela vaje vaka-kujeneka kukulaela, a malundu na mu minzinze yoshe ya miti yakutonola, Ahaze lalo nendi wakele nakukombelelako vin̄ombelo vya kwenyeka na kwenyekelako insense.

2 Mizimbu 33:17

Nameme vanu vakele nakukombelela vin̄ombelo ku mitambela ikwavo yakulemesela, oloni vavikombelelele lika kuli Shukulu Kalunga.