2 Mizimbu 15:16 - Livulu lya Shukulu Kalunga

¹⁶ Mwene Asa watundisile kuku yendi Maka a litanda lyendi lya vamwene, omwo wapangele kamponya kakavi ka Ashela njambi wa munakazi. Asa washinjile kaje kamponya, wakatetangele, co wenyekelele vimbazuvwila vyako mu Cana ca Kindelone.

2 Mizimbu 15:16 Iomraidhean Croise

1 Vimyene 15:10

co washwanene mu Yelusalema myaka makumi awana na mwaka umo. Vakuku yendi vapwile Maka, muna Avisalome.

1 Vimyene 15:2

co washwanene myaka itatu mu Yelusalema. Vaina vapwile Maka, muna Avisalome.

2 Vimyene 23:12

Mwene Yosiya wasiwile mitula ije ivatungile vimyene va mu Yunda akamwa ya mulili wa kwilu wa lipela lya Mwene Ahaze, amolika na mitula ije yatungile Mwene Manase mu mitambela ivali ya vimbanja vya mu Njuvo ya Shukulu Kalunga. Wasiwile ije mitula nakuyivujula, co likungu lyayo walyumbilile mu Cana ca Kindelone.

2 Vimyene 23:15

Yosiya wasiwile lalo mutambela mu Mbetele uje uvalemeselele, uje watungile Mwene Yelovowame muna Nembate, uje watwamenenene Isalele mu vuvi. Co Yosiya washimbwile mutula, watavozwele mamanya awo vimbazuvwila, wavitwile vyapwile likungu, co wenyekele lalo cifwa ca Ashela.

2 Vimyene 23:4

Yosiya washikile Hilikiya Muka-kukombelela Wakama na vaka-kukombelela vendi vakumwata na vaka-kunyunga ku cikolo ca Njuvo ya Shukulu Kalunga kutuwisa mu Njuvo ya Shukulu vivala vyoshe vije vivapangesele mukulemesa Mbale na Ashela njambi wa munakazi na vingongonosi. Co mwene wenyekelele vivala vyoshe evi anja ya nganda kuyehi na Cana ca Kindelone, asinoni vatwalele lito lyavyo ku Mbetele.

2 Vimyene 23:6

Co watundisile lalo mu Njuvo ya Shukulu Kalunga cifwa ca Ashela njambi wa munakazi, wacituwisile mu nganda wacitwalele ku Cana ca Kindelone, co wacenyekelele kuje, watwile manungu, co apwile likungu, co walishandwelele akamwa ya vimbumbo vya vanu nkala.

2 Mizimbu 15:17

Nameme Asa kasele kunyongesa mitambela ije vakele nakulemesa vaka-kujeneka kukulaela mu lifuti, oloni ikeye wakulaelele Shukulu Kalunga simbu yoshe yakuyoya kwendi.

2 Mizimbu 29:16

Vaka-kukombelela vakovelele mu Njuvo ya Shukulu Kalunga nakuyijelesa, vatundisile vyuma vyoshe vije kuvyajelele mu cipango ca Njuvo ya Shukulu Kalunga. Co vaLevi vavituwisile vyoshe anja ya nganda, vavitwalelele ku cana ca Kindelone.

2 Mizimbu 30:14

Vatundisile mitula yoshe mu Yelusalema ije vapangesele kukombelela vin̄ombelo nakwenyekelao insense, co vayumbilile mu Cana ca Kindelone.

2 Mizimbu 34:7

Mu lifuti lyoshe lya Vumwene vwa ku Kunto wasiwile mitula na vifwa vya Ashela, co watwile tumponya vunga, wapujwile mitula yoshe ya insense mu vimbazuvwila, asinoni welukile ku Yelusalema.

Kutuuka 32:20

Ngecivene, wanonele uje muna ngombe wa nkomba yamungile Alone, wamwenyekele, co wamutwile vunga, wavushingile na mema. Asinoni wavunwisile vanu va Isalele.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Zakaliya 13:3

Asinoni nga munu umo anga akashaka kwambulula vuka-kwimanena, co vaishe na vaina vakamunangula ngwavo yove unapande kutsa vene, omwo ulinakwendeka makuli mu lizina lya Shukulu Kalunga. Nga anga akatwalao kwambulula vuka-kwimanena, co vaishe na vaina vakamutsiya na mukwale.

Mako 3:21

Co omo naanga yendi vazivile a vyuma evi, vaile nakumusetela, omwo vanu vakele nakwendeka ngwavo, “Nazaluka!”

Yowano 18:1

Omo Yesu wamanesele kulombela, waile amo na vandongisi vendi vajavukilile musambwa ya Muna Ndonga Kindelone. Mu mutambela uje mwakele lihya, co Yesu na vandongisi vendi vakovelelemo.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Kwituluka mu Mashiko 33:9

Vakevo vasholwele kasingimiko kakama kuli yove, kutuvakana ku visemi vavo, nambe ku vandolome vavo, nambe ku vana vavo. Vononokele mashiko ove, vapwile va kulongwa ku cikumiiyo cove.

Kwituluka mu Mashiko 7:5

Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo.

Kwituluka mu Mashiko 9:21

Ngecivene, njanonele cuma cije cacivi cije cimwalingile, muna ngombe wa vutale uje mwafulile, co njamumbilile mu tuhya, ngeci njamutsenene na kumutwa vunga, mukemwo njombilile vuje vunga mu muna ndonga ije yakele nakutunda ku munkinda.