2 Mizimbu 15:13 - Livulu lya Shukulu Kalunga

¹³ Munu woshe, mukwenje nambe mukulunu, munalume nambe munakazi, uje akalikela kulemesa Shukulu Kalunga vakamutsiya.

2 Mizimbu 15:13 Iomraidhean Croise

Kushangumuka 19:11

Asinoni vazivalesele mesho a vaje vanalume voshe vakele ku cikolo, vakwenje na vakulunu, ngeci kuvasele kuwana cikolo.

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

2 Mizimbu 15:14

Co valingile cikumiiyo kuli Shukulu Kalunga nakutambeka na lijwi lyakama oku vaimba malupembo.

Yombi 3:19

Co vanu voshe vakakala kuje, vaka-lutsimo na vaje kuvatsimanene, co na vindungo lalo vakapatuka.

Yombi 34:19

Ikeye kakemanena ku mutambela wa vaka-kushwana lika embwe, nambe kushangala vaka-kufuka ali vaka-kuutwa embwe, omwo voshe ikeye wavatangele.

Myaso 115:13

Shukulu Kalunga akavezikisa voshe vaje vamulemesa, vakama nambe vavandondo.

Kutuuka 12:29

Mukati ka vutsiki Shukulu Kalunga watsiile va ntwatwa voshe va vana va vanalume mu Ingito, kushangumukila kuli muna mwene uje akashwana a litanda kweta, na kuli muna cinzinda mu kamenga, co watsiile lalo vana va vimuna va nkomba vakulivanga kusemuka.

Kutuuka 22:19

“Munu woshe uje akalala na kasitu vanapande kumutsiya.

Kutuuka 22:20

“Munu woshe uje akombelela ku vinjambi veka vanapande kumutsiya, oloni vakombelele lika kuli yange Kalunga.

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Vilinga vya Miluwa 26:22

Oloni na ku litangwa lya lelo Njambi nanjikwasa, ngecivene, njinemana kuno mukwana vukaleo vwange kuli yeni voshe, vakulunu na vanike. Vije vinjendeka vinapu vimo vije vendekele vaka-kwimanena na Mosesa ngeci vikalingiwa,

Kwituluka mu Mashiko 29:18

Mwa vushunga vene kesi kukakale munalume, nambe munakazi, nambe naanga, nambe muyati akati keni munemana kuno ku litangwa lya lelo akatenguluka nakutunda kuli Shukulu Kalunga Njambi yetu nakulemesa vinjambi va miyati ije embwe. Cuma eci cinalifu ngwe muzi ulinakukula kupwa muti wakulula na vushungu vwa kutsa.

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.

Kujombolola 6:15

Asinoni vimyene va ano asi, na vaka-kushwana na vakulunu va nzita, vaka-kufuka na vaka-nzili, na vanu voshe veka lalo, ndungo na muka-kupatuka, vavandele mu manzenzengoma na mwisi ya mamanya a minkinda.