2 Mizimbu 15:12 - Livulu lya Shukulu Kalunga

¹² Co valikumiiye cikumiiyo cakulemesa Shukulu Kalunga, Njambi ya vakukulwila vavo, na mbunge yavo yoshe na mwonyo wavo woshe.

2 Mizimbu 15:12 Iomraidhean Croise

1 Vimyene 8:48

Nga mu lifuti muje vatenguluka mwa vushunga na kulongwa, co valombela kuli yove oku vanakenge ku lifuti lino waanene kuli vakukulwila vetu, na nganda ino unaangula, na Njuvo eyi njakutungila,

2 Vimyene 11:17

Yehoyanda wakolesele cikumiiyo akati ka Shukulu Kalunga na mwene amo na vanu ngeci vapwe vanu va Shukulu Kalunga, co lalo walikumiiye cikumiiyo akati ka mwene na vanu.

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

2 Mizimbu 11:16

Co miyati yoshe ya vanu va Isalele, vaje vashakele kulemesa mwamuvwa Shukulu Kalunga Njambi ya Isalele, vakavele vaLevi ku Yelusalema, ngeci vakakombelele vin̄ombelo kuli Shukulu Kalunga Njambi ya vakukulwila vavo.

2 Mizimbu 15:4

Oloni omo vukalu vwezile, co vatengulukilile kuli Shukulu Kalunga, Njambi ya Isalele. Vamushakezekele, co vamuwanene.

2 Mizimbu 19:3

Oloni nameme ngoco, vyavivwa vimo vavimwene muli yove. Omwo watundisile vifwa vyoshe vya Ashela njambi wa munakazi vije vivalemesele vanu, co uneseka kukava cizango ca Njambi.”

2 Mizimbu 23:16

Co Yehoyanda muka-kukombelela walikumiiye cikumiiyo na Mwene Yowashe amo na vanu voshe ngeci vapwe vanu va Shukulu Kalunga.

2 Mizimbu 29:10

“Co ololo njinayongola kulinga cikumiiyo na Shukulu Kalunga, Njambi ya Isalele, ngeci kesi atuluvalele lalo.

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Nehemiya 9:38

Omwo a evi vyoshe vije vinalingiwa, yetu vanu va Isalele, tulinakulinga lizivasano lyakukola lyakusoneka, co vantwama vetu, na vaLevi vetu, na vaka-kukombelela vetu vasateleo visateso vyavo.

Njelemiya 50:5

Vakehula ngila yakuya ku Siyone, co vakaya ku mutambela uje vene. Vakalikumiiya nange cikumiiyo ca ku myaka yoshe, co kucikapokoka.

Vilinga vya Miluwa 24:14

Oloni njitava cuma eci kuli yove ngwange, njikalemesa Njambi ya vakukulwila vetu akukava Ngila ya Mwene ije vakevo vendeka ngwavo inapu ya makuli. Oloni njakulaela mu vyuma vyoshe vije vanasoneka mu Lishiko lya Mosesa na mu mavulu a vaka-kwimanena.

2 Kolinte 8:5

Kuvalingile ngwe mutwayongwele yetu! Oloni akulivanga valilambwile kuli Mwene, asinoni ku cizango ca Njambi, co valyanene vakevo vavenya kuli yetu.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 29:1

Awa akewo majwi a cikumiiyo cije cashikile Shukulu Kalunga Mosesa kulinga na vana va Isalele mu lifuti lya Mowavi, mukuwezelela ku cikumiiyo cije calikumiiye Shukulu Kalunga na vakevo a Munkinda wa Sinai.

Kwituluka mu Mashiko 29:11

na vanakazi veni, na vana veni, na vaka-kwija vaje vali akati keni, vaje valinakumicavela vitale na vaje valinakumitekwila mema.

Kwituluka mu Mashiko 29:12

Munemana kuno ku litangwa lya lelo mukulikumiiya cikumiiyo na Shukulu Kalunga Njambi yeni, cikumiiyo cije cakusatesa na cisingo,

Kwituluka mu Mashiko 4:29

Co kuje mukashakezeka Shukulu Kalunga Njambi yeni, co nga mukamushakezeka na vimbunge vyeni vyoshe, na mwonyo weni woshe, co mukamuwana.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

Yoshwa 24:25

Ngecivene, Yoshwa walikumiiye cikumiiyo na vanu va Isalele a litangwa lije, co kuje vene ku Shekeme wavaanene vilongesa na mashiko ngeci vaakave.