2 Mizimbu 14:14 - Livulu lya Shukulu Kalunga

¹⁴ Asinoni vanyongesele vinganda vije vyazengelekele Ngelale, omwo vanu vamwo vakele na lyova lya Shukulu Kalunga. Co mashwalale vapukwile vyuma vyoshe vya muje mu vinganda omwo mwakele vufuko vwavungi manene.

2 Mizimbu 14:14 Iomraidhean Croise

Kushangumuka 35:5

Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava.

1 Vimyene 15:23

Vyuma vyeka vije vyalingile Mwene Asa, vilinga vyendi vyakunyanyama na membo aje azengelekele cimpaka, vyoshe vavisoneka mu Livulu lya Mizimbu ya Vimyene va mu Yunda. Oloni omo wakuluvalele, watengukile na mushongo wa mendi.

2 Vimyene 7:16

Co vanu va mu Samaliya vashatukile, vakapukwile cilombo ca vaSilya. Ngwe muje vene mwendekele Shukulu Kalunga ngwendi makilo atatu a vunga vwa tiliku vwakuseneta, nambe makilo atanu na imo a mbale ya maumwa vakavilandesa na livundungulu limo lya siliva.

2 Mizimbu 14:15

Co lalo valwisile vilombo vya tunyungi, co vambatele vimanga vavangi na tumelo. Asinoni velukile ku Yelusalema.

2 Mizimbu 17:10

Shukulu Kalunga wazivisile lyova vumwene vwoshe vwa mafuti aje azengelekele Mwene Njosefati kwija nakulwa nendi nzita.

2 Mizimbu 20:25

Omo Njosefati na vanu vendi vezile nakupukula vivala, vawanene vingombe vavangi manene, na vyakulya, na vuzalo, na vyuma vikwavo vya seo. Co vakele matangwa atatu akukungulula vivala vyakupukula, oloni vyatumine manene kuvasele kwambata vyuma vyoshe.

2 Mizimbu 20:29

Co mafuti oshe valijujukilile omo vazivile ngeci Shukulu Kalunga nahyana vitozi va Isalele,

Yombi 15:21

Majwi a muteto akujujwisa anakovela mu matwi endi, co vezi vamulwisa omo ayongola ngwendi ali mwamuvwa.

Myaso 68:12

“Vimyene na mahunzi a mashwalale vavo vatewele! Co vanakazi vaje vasalele hembo valipangezelele vije vyakupukula,

Isaya 31:9

Mwene yavo akatewa omwo lyova, na vamyata va nzita vakatewa ku nzita.” Shukulu Kalunga nendekamo, uje ivalemesela mu Yelusalema, uje tuhya twendi tukenyeka vin̄ombelo muje.

Isaya 33:23

Oloni lifuti lyeni linapu vwato vwakama vuje mikole yavwo inazeye, co nanga ije ikavwendesa na lihunzi kuyasa kushangumuka ngeci vwato vwende. Litangwa limo nameme yeni vilema mukambata vyuma vyakupukula ku vitozi veni.

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

Kwituluka mu Mashiko 2:25

Co kutunda ku litangwa lya lelo vene njikazivisa vanu lyova lyakumitewa. Co munu woshe akaziva ali yeni akajaja na lyova.’

Yoshwa 2:24

Co vendekele ngwavo, “Mwa vushunga Shukulu Kalunga natwana lifuti lyoshe. Co vanu voshe vanalijujukila omwo yetu.”

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

Maako 14:19

Co Munzinzime wa Shukulu Kalunga wezile na nzili ali Samusoni, co waile ku Ashekelone, kuje wakatsiile vanalume vakupwa makumi atatu, co wavapukwile vyavo, waanene vuzalo vwavo kuli vaje vanalume valumbunwine kaje kasau. Munima ya vyuma evi, Samusoni waluvalele manene a vije vyalingiwile, co welukile ku njuvo ya ishe,

1 Samwele 14:15

Co vaFilisitiya voshe vaje vakelemo valijajelele manene, vaka-kupukula, na mashwalale mu cilombo, valijajelele manene omwo lyova, na livu lyajajele, co kwakele kuuya-uya kwakama.