2 Mizimbu 13:7 - Livulu lya Shukulu Kalunga

⁷ Co munima yevi wakungulwile viyambangani vakujeneka seo, vakevo vafungulwile Lehovowame muna Solomoni, omwo wapwile mwanike wamundondo, wakele na lyova, co kasele kuvalwisa.

2 Mizimbu 13:7 Iomraidhean Croise

2 Samwele 3:39

Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

1 Vimyene 21:10

Anguleni vanalume vavali vaje vipapoki vakumukutiiye n̄anda ngwavo natuku Njambi na mwene. Co mutwaleni anja ya nganda mukamutsiye na mamanya.”

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

2 Mizimbu 10:16

Omo vanu vamwene ngeci mwene kavatolilila, vatambekele ngwavo, “Ndaviti na naanga yendi vatunde! Vikajo vanatulingila? Yetu kutwesi na vushwana mu naanga ya Njesi. Yetu vanu va Isalele, tuyeni ku membo etu! Mweceleni Lehovowame alimwene!” Ngecivene, vanu va Isalele vamutengulukilile,

2 Mizimbu 12:13

Lehovowame washwanene mu Yelusalema, co vumwene vwendi vwakolele manene. Wakele na myaka makumi awana na mwaka umo omo wapwile mwene, washwanene myaka likumi na itanu na ivali mu Yelusalema, nganda yaangwile Shukulu Kalunga akati ka mafuti oshe a Isalele kupwa mwela wakumulemesela. Lizina lya vaina ya Lehovowame lyapwile Nama wa ku lifuti lya Amoni.

Yombi 30:8

Vakevo vanapu vilema vangoco va lizina! Co vavashekele mu lifuti.

Myaso 26:4

Kunjesi kukala amo na vanu vaka-makuli, nambe kusimutwiya na vaka-civembulu.

Visimo 12:11

Ndimi muka-kuundangana manene akakala na vyakulya vyavingi, oloni cinapu vulema kuviisila simbu a vyuma vyangoco.

Visimo 28:19

Nga upanga na nzili, co ukakala na vyakulya vyavingi, oloni nga uviisa simbu, co ukapwa kautu.

Muka-kwambulula 10:16

Lifuti likala mu tuyando omo mwene walyo acili mwanike, co na vamyata valyo valinga ciwano vutsiki vwoshe.

Isaya 3:4

Shukulu Kalunga akatava vanu ngeci vavashwane ku vanike.

Vilinga vya Miluwa 17:5

Oloni vaYunda vakele na muuka, co vakungulwile vamo vyendangani va muuka mu vitapalo, co vamungile munga. Vanenele citanga cakama muje mu nganda yoshe, co valwisile njuvo ya Njasone mukweseka kuwana Paulu na Silasi ngeci vavatwale ku mbunga ya vanu.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

Kwituluka mu Mashiko 13:13

ngeci kuli vanalume vamo vitangwizi va ku muyati weni, vanatangula laja vanu va mu limbo lyavo kulemesa vinjambi vaje kumwalemesele laja.

Tito 1:10

Omwo kuvali vavangi vaka-kuumukwa na vaka-kulwisa vakwavo na vyuma vyavo vyangoco, manene vaje vaka-futisi ya vaYunda.

VaHevelu 5:12

Ololo yeni, omwo simbu yakama ineti, mwapandele kupwa muvalongisi, oloni mucijeneka umo amilongese vilongesa vyakulivanga vya lijwi lya Njambi. Mwapandele kulya vyakulya vyakukola, oloni mucili nakunwa mavele.

Maako 11:3

Co Njefeta watewele kutunda kuli vandolome vendi, wakakele mu lifuti lya Tove. Kuje wakongumukile na munga ya vanu veka vangoco, co vendele amo nendi.

Maako 9:4

Co vamwanene mavundungulu 70 a siliva akutunda ku njuvo ya Mbale, co na vimbongo vije wakumwine vilema kuvesi na seo kulipandakana nendi.

1 Samwele 22:2

Vanu vaje vavakele nakuyandesa, nambe vaje vakele na makongo, nambe vaje vakele nakulinyenga, vaile kuli ikeye, voshe amolika vapwile 400, ikeye wapwile ntwama yavo.